यस अन्तको दिनमा हामीले थुप्रै समस्या सामना गरिरहनु परेको छ। अनि यस युगको अन्त नजिकिँदै जाँदा ती समस्याहरू झन्‌झन्‌ बढ्‌दै जानेछन्‌। हामीलाई बेलाबेलामा विभिन्‍न भौतिक कुराको अभाव हुन सक्छ। (हब ३:१६-१८) हार नमानी आर्थिक समस्याहरूको सामना गर्न हामीलाई केले मदत गर्छ? हामीले यहोवामाथि भरोसा राख्न कहिल्यै छोड्‌नु हुँदैन। उहाँले हाम्रो ख्याल राख्ने प्रतिज्ञा गर्नुभएको छ अनि हामी जस्तोसुकै अवस्थामा परे पनि उहाँले हाम्रा आवश्‍यकताहरू पूरा गर्न सक्नुहुन्छ।—भज ३७:१८, १९; हिब्रू १३:५, ६.

तपाईँ के गर्न सक्नुहुन्छ?

• यहोवालाई डोऱ्‍याइ, बुद्धि र साथको लागि प्रार्थना गर्नुहोस्‌।—भज ६२:८.

• आफूले पहिला नगरेको काम पाउनुभयो भने पनि त्यो काम गर्न तयार हुनुहोस्‌।—g९६ ४/८ पृ. ११, पेटीहरू

• राम्रो आध्यात्मिक तालिका कायम राख्नुहोस्‌। जस्तै: परमेश्‍वरको वचन दिनहुँ पढ्‌नुहोस्‌, मण्डलीका सभाहरूमा धाउनुहोस्‌ अनि साक्षीकार्यमा भाग लिनुहोस्‌।

टिकिरहने घर बनाउनुहोस्‌—“अहिले आफूसित भएका कुराहरूमा सन्तुष्ट” हुनुहोस्‌ भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• कुनै-कुनै परिवारले कस्ता समस्याहरू भोगिरहेका छन्‌?

• जीवनमा सबैभन्दा महत्त्वपूर्ण कुरा के हो?

• आर्थिक समस्या भोगिरहेकाहरूलाई हामी कसरी मदत गर्न सक्छौँ?