हामी सबै कहिलेकाहीँ दुःखी हुन्छौँ। तर दुःखी हुनु भनेको आध्यात्मिक तवरमा कमजोर हुनु होइन। यहोवाले पनि आफू कहिलेकाहीँ दुःखी भएको कुरा बाइबलमा बताउनुभएको छ। (उत्प ६:​५, ६) तर हामी अक्सर दुःखी हुन्छौँ वा धेरैजसो समय नै दुःखी भइरहन्छौँ भने के गर्न सकिन्छ?

प्रार्थना गरेर यहोवासित मदत माग्नुहोस्‌। हाम्रो मानसिक र भावनात्मक स्वास्थ्यमा यहोवा ध्यान दिनुहुन्छ। हामी खुसी छौँ कि दुःखी, यहोवालाई थाह हुन्छ। अनि हामी जे सोच्छौँ र जस्तो महसुस गर्छौँ, त्यसको कारण पनि यहोवा बुझ्नुहुन्छ। (भज ७:९ख) सबैभन्दा महत्त्वपूर्ण कुरा, यहोवा हाम्रो ख्याल राख्नुहुन्छ अनि उहाँ हामीलाई निराशासित मात्र होइन, डिप्रेसनजस्तो समस्यासित जुझ्न पनि मदत गर्नुहुन्छ।—भज ३४:१८.

आफ्नो मानसिक स्वास्थ्यको ख्याल राख्नुहोस्‌। नकारात्मक भावनाहरूले हाम्रो आनन्द खोस्छ अनि यहोवासितको सम्बन्धमा पनि असर गर्छ। त्यसैले ह्रदयलाई अर्थात्‌ आफ्नो सोचाइ र भावनालाई सुरक्षित राख्ने प्रयास गर्नुपर्छ।—हित ४:२३.

हाम्रा दाजुभाइ दिदीबहिनी डिप्रेसनको बाबजुद कसरी शान्ति अनुभव गर्दै छन्‌? भिडियो हेर्नुहोस्‌ अनि निम्न प्रश्‍नहरूको जवाफ दिनुहोस्‌:

• डिप्रेसनसित जुझ्न निक्कीले कस्ता व्यावहारिक कदमहरू चालिन्‌?

  तपाईँको जवाफ

• डाक्टरको मदत चाहिन्छ जस्तो निक्कीलाई किन लाग्यो?—मत्ति ९:१२

  तपाईँको जवाफ

• मदतको लागि निक्की कसरी यहोवामा भर परिन्‌?

  तपाईँको जवाफ