YENO 02
Ri Tusi Hmijoc Numu Se Uroi: Eziene Ci Huebuti Me Thawalan
Ri ten’ ore aw, ta ngome ci tubuhnide co sere etha ne il’ ore ta ushiwa ci ajoni buic. Ilo, ha hna pina du bua komelei? Bua ngei ci uedr, ca nge se kani bua ci hnorone ha tango. Bua ngei ci etone ko: ‘Ilo, numu se uroi?’ Tusi Hmijoc ci cedi ore hneng’ omelei bane athaberidrini bua.
1. Nge kore uroi ri Tusi Hmijoc?
Tusi Hmijoc ci ie pengen’ ore tane ore ten’ ore awe me nidi nia. Ke Tusi Hmijoc ci beredrone joko o se nata me roi: ore nodei ushiwa ni eje ha bathu tako. Ore ta hna perofetane ri Tusi Hmijoc ci kanu ej’ o “se uroi ri bun.” (Ieielo Jeremia 29:11, 12.) Nodei hna perofetan’ omelei ci konekatu eje co sere etha ne nodei ushiwa, co numu uane me roi, ne co nidi opodon.
2. Nge kore uroi ri bune hna perofetane ri Tusi Hmijoc?
Tusi Hmijoc ci ie ko, ha bathu pina kore eziene “deko co tango yawe” ka “deko co sheusheu, deko co mane se deko co jo yawe.” (Ieielo Ahngabote 21:4.) Ha co tako kore nodei ushiwa ci akedini eje co opodone inom’ ore: deko ac, ta ruace me deko ma netiti, uedre ne tango. Tusi Hmijoc ci perofetane ko, nodei ngome co opodone e iara oiru, ri paradrais ome ri ten.
3. Korione co ua sesekone ko, ore nodei hna perofetane ri Tusi Hmijoc co iu?
Hmaiai kore ngome ci uroione ko, eziene ci huebuti co thawalan. Roidi deko ma numu cedene kore uroi ni buic. Deko ma ekowe sese kore ta hna perofetane ri Tusi Hmijoc: ileodene co thati iu. Ha thu ua sesekon’ omelei, roi co “yeno roion’ ore nodei Eberedro hna xiwamomone.” (Ta Ruace 17:11) Ngei bua ma yenon’ ore Tusi Hmijoc, melei co konekatu bua co une jeu’ ore ta hna perofetane ri pon’ ore eziene ci huebuti.
THERE HMAIAIONELU
Ule sesonelo ko, korione kore ciroi ngei ma iu kore nodei hna perofetane ri Tusi Hmijoc. Ka ule sesonelo joko ore tharan’ ore uroi nore Tusi Hmijoc so eje whan’ onom.
4. Tusi Hmijoc ci kanon’ ore uroi nore ciroi me deko yeniane ne tha thu ase ko
Ore tableau ome ri tene ci ie ahngane ore ta hna perofetane ri Tusi Hmijoc. Nge kore ta hna perofetane ci nidi iu ri hnore ni bua, ka wen’ ore nge?
Ieielo ore so kotre hna waimomone ri thuben’ ore nodei hna perofetan, ka ruaconelo ore nodei hnenge ome ri ten:
-
Nge kore uroi ri kotr’ om? Du bua, ore uroi ome thuni co aopodoneni ore fami ni bua ne ta kane ni bua?
Uanelo o se ten’ ore awe ka:
|
DEKO SE NGOM . . . |
NODEI NGOM . . . |
|---|---|
|
|
|
|
|
|
|
|
|
|
5. Uroi ri Tusi Hmijoc thuni co cejan’ ore ciroi ni bua
Hmaiai kore ngome ma ci ule ore nodei ushiwa ri ten’ ore aw, melei buice ci sheusheu, ca ci cenge nia. Osotene ci ruace tace ha thu tubuhnidi co cejan’ ore ten’ ore aw. Ulelo ko korione ko se hmenewe hna uni ore opodone ri uroi om: ore ciroi ha co thawalan. Ulelo ore VIDEO ka ethanatatilo ore so hnenge ome ri ten.
-
Nge kore hna asheusheuni Rafika?
-
Korione kore Tusi Hmijoc hna konekatu Rafika kacene me numu ko ore ushiwa omelei?
Ore uroi ri Tusi Hmijoc, ri pon’ ore ciroi me thawalan, thuni co konekatu eje co sere etha ne il’ ore sheusheu ne nodei ushiwa ni ej. Ieielo Ta Onatre 17:22 ne Rome 12:12 ka ethanatatilo ore so hnenge ome ri ten:
-
Du bua, ore uroi ome thuni co konekatuon’ ore ciroi ni bua whan’ onom? Wen’ ore nge?
BUICE CI IE KO: “Ore hna perofetane ri Tusi Hmijoc nidi roi, ke niane di ko, be thuaiai ko co iu.”
-
Du bua, wen’ ore nge nidi ace co therelo ko ore seseko ri Tusi Hmijoc?
UANE ME NIDI AC
Tusi Hmijoc ci ie sesekone ko, ri eziene co pina, eje ha co nidi opodon. Ka ore uroi omelei ci konekatu eje co sere etha ne nodei ushiwa.
Uane co cori
-
Wen’ ore nge nidi ace kore uroi so ej?
-
Tusi Hmijoc ci ie ko nge ri pon’ ore eziene co pina?
-
Korione kore uroi ri Tusi Hmijoc thuni co konekatuon’ ore ciroi ni bua whan’ onom?
ULELO JOKO
Ta article ci aehngeni ko, uroi ci aengetaceni ej.
“L’espoir: où le trouver ?” (Réveillez-vous!, 22 avril 2004)
Korione kore uroi nore eziene me thawalane ci konekatuon’ ore nodei ngome me nidi uedr?
“Vivre avec une maladie chronique: la Bible est-elle utile ?” (Article jw.org)
Se video co konekatu bua co uan’ ore ciroi ni bua ne fami ne bua ri paradrais co pina, inom’ ore hna perofetane ri Tusi Hmijoc.
Ore hna ciroione no se ngome hna taceti ore so uane bon, hna ceja ri eziene bone hna yenon’ ore ta hna perofetan.
“Je ne pense plus devoir changer le monde” (La Tour de Garde, 1er juillet 2013)
