YENO 5
O Re Ue Me Hmajiadr—La Kore Hna Ninen? La Kore Deko Hna Ninen?
Ri ezien’ i Noa, hmaiai kore ngome hna rue o re nia. Genese 6:5
Ha numu ta tenen kei Adamu ne Eva, ka ha coed kore ten’ o re aw hnen’ o re ngom. Thubenelo, il’ o re ta angela me kora lo te ne Satana.
Ha icelu ke buic sere ri aw ne ci ahnengomeni buic ha thu lae hmenew. Ile me hnapon’ o re ta tenen cahman thu ica tac ne ru nia.
O re ten’ o re aw ha cece hnen’ o re nia no re ngom. Tusi Hmijoc ci ie ko: “Ha hmaiai kore nia no re ngom’ ome ri ten, ka ono re alaien’ ileoden ci puja ri hnore ni buice e so re nia so ri nodei ran’ ileoden.”
Noa hna ninen’ o Madaru ne hna zecon’ o re ak. Genese 6:13, 14, 18, 19, 22
Noa so kore lata me netit. Ilei Madaru me ie du Noa ko Nubonengo ha co atakoni o re ngome me nia hnen’ o re ue me hmajiadr.
Hna ie joko du Noa co zecon sa kore gara koe yelen ak bane waruma ni nubon ne hnameneng ni nubon, ne ta ia me ci roi ko wene ri nodei ia ileoden.
Noa hna akacan’ o re ngome ri pon’ o re ue co pina, roidi buic deko ma taedengi. Osoten hna hnuma te Noa di; osoten hna keco bone di.
Ma asebut kore ak, ilei Noa me aokoneni lo ri ak o re nodei ia.
