YENO 4
La Kei Iesu Keriso?
1. Hna whane korione ko re ci roi ni Iesu?
What qualities made Jesus approachable?—MATTHEW 11:29; MARK 10:13-16.
Deko ma ekowe ne ngome kei Iesu Uiewaien ke Nubonengo omeloi ri aw, ri dane co huelu’ om ri ten. (Ioane 8:23) Nubonengo kore token’ o re nodei ac’ ileoden hna pupul, ka hna kanete ne Iehova co pupul’ o re nodei ac’ ileoden. Nubonengo so kore hna pupul hnei Iehova oden; wen’ omelei hna ato yeleni Nubonengo ko, Tenengoiene “hnasa so.” (Ioane 1:14) Hna ureie nubon bane Tube Eberedo, melei kore tan thu co kaio Iesu ko, “Logo.”—Ieielo Ta Onatre 8:22, 23, 30; Kolose 1:15, 16.
2. Tan’ o re nge Iesu hna huelu ome ri ten’ o re aw?
Madaru hna siatonelu o re Tenengoien ni Nubonengo ome ri ten, ile me anelu o re ci roi ni nubon ri canga hnapo ni Maria. Deko ma cahman kore ceceni Iesu. (Luke 1:30-35) Nubonengo hna huelu ome ri ten (1) co yenon’ o re seseko ri poni Madaru, (2) co kanu eje o re tu me roi thu nge ngei me ushiwa, (3) co kanon’ o re ci roi ni nubon bane “itico waruma.”—Ieielo Mataio 20:28.
3. Bane nge kore “itico waruma?”
O re “itico waruma” melei kore thuben bane thedibut’ o re ngome hna apareuni hnei tango. (Esodo 21:29, 30) O re tango ne il’ o re ci mohma lu deko ma hna ile ri alatone ca uane me hnadan ni Madaru son’ o re nodei ngom. La ko thu ie du ej? Madaru kore thu ie jeu’ o re cahman me hnadan, Adamu, ko ngei bone deko ma ninen “ca ma cie o re wathebo,” ile me co tango ke bon. Kacene bone deko hna cie o re wathebo, bone deko co tango. (Genese 2:16, 17; 5:5) Kei Tusi Hmijoc ko tango “hna apinani” ome ri ten hnei Adam. Adamu hna kanon’ o re nia du nodei matrani nubon, o re tharan: tango. Nidi ace du ej kore itico waruma ha thu thedi ejebut weneri tango, wen’ o Adamu.—Ieielo Rome 5:12; 6:23.
La ko re thuni co kanu thuben o re “itico waruma,” ile me thedi ejebut sere ri tango? Ngei eje me ci tango, melei tharan’ o re nodei nia ni eje ko. Deko se ngome me nia me thuni co ngeni thuben du Madaru son’ o re nodei nia no soten.—Ieielo Ta Salamo 49:7-9.
4. Nge kore tan’ o re tango ni Iesu?
Iesu deko ienian, deko se ngom me inomelei. Koiko, deko ma netit co tango ke Nubonengo, wen’ o re Nubonengo deko hna rue o re nia. Nubonengo hna tango bane son’ o re nodei nia no soten. Nidi hmajiadr kore ci ran ni Madaru du eje ngom, ile Nubonengo me sianelu o re Tenengoieni Nubonengo bane tango so ej. O re hna tango ni Iesu, ci aehngeni o re ci ran ni Nubonengo so ej ne il’ o re ci ninen ni nubon du Cecewaien.—Ieielo Ioane 3:16; Rome 5:18, 19.
Ulelo ore video Tan’ o Re Nge Iesu Hna Tango?
5. Ci nge kei Iesu onom?
Iesu hna aroini o re ta ued, hna aroinilo o re nodei tango, ne hna anidra ni o re ci jo nore ngom ome ri ten’ o re aw. Ci aehngeni inomelei o re nodei ace Nubonengo ha co ilon son’ o re nodei ngome thu ninen. (Mataio 15:30, 31; Ioane 5:28) Thubenelo re hna tango, ilei Madaru me aroini Iesu lo ri uien. (1 Peteru 3:18) Ile Nubonengo me bungilu ri gula nata ni Madaru, ha ilei Madaru co kanu Nubonengo o re hna Doku ha thu co musion’ o re ten’ o re aw ileoden. (Hebera 10:12, 13) Onom, Iesu ha doku mado ri aw, ka nodei sinemenenge ni Nubonengo ci pulon’ o re nata omelei ri ten’ o re aw ileoden.—Ieielo Daniela 7:13, 14; Mataio 24:14.
Dai asasa, Iesu ma ile ri hna doku, ha co atakoni o re nodei ci jo ne buice te o re ci acijoni. Buic’ o re ci une ne ci ninen’ o Iesu co menenge ri Paradais ome ri ten.—Ieielo Ta Salamo 37:9-11.
