YENO 6
Nge Kore Ci Uroion Ri Pon’ o Re Tango?
1. Nge ko re nata me roi ri pon’ o re nodei tango?
Ma pinalu kei Iesu i Bethani acenon’ ono Jerusalema, Lazaro ha tango ha foa kore ran. Ilei Iesu me lenge jeu’ o re pua sese ne Matha ne Maria rue isingene ni Lazaro. Cece kore ngome ci sere guru. Buhnije dai uanelo o re opodone ni Matha ne Maria ma ule Iesu ci aroini Lazaro lo.—Ieielo Ioane 11:21-24, 38-44.
Matha ha cara jewe o re seseko ri pon’ o re nodei tango. Bone ha ule ko Iehovango ha co aroini buicelo yawe sone buice co meneng’ on yawe o re ten’ o re aw.—Ieielo Iopu 14:14, 15.
2. Ci nge ke buic ma ha tango?
God told Adam: “Dust you are and to dust you will return.”—GENESIS 3:19.
O re ngome wene ri thothothotho. (Genese 2:7; 3:19) Eje deko ma uien ciroi ko ri hnoren’ o re hnengom. Hna puli ej melei hnengom, ka ngei eje ma tango, deko lo se gula hnengom ni eje me ci roi ko. Inomelei, ha tango kore xetexetej, ka nodei uane ej ha tako. Ha deko uane kore nodei tango, wen’ omelei Lazaro deko se ac hna lae natan ri pon’ o re tango ni bon.—Ieielo Ta Salamo 146:4; Thu Pule 9:5, 6, 10.
Ilo, Madaru ci reul’ o re ngom hnei iei ma ha tango? Tusi Hmijoc ci aehngeni ko ore nodei tango ha deko ma numu o re ci carajewe, koiko o re iei me tha thu bi ko, melei ta enengoco ci iala cihmug o Madaru. Kece ri hnoreni Nubonengo kore co ajoni o re ngom.—Ieielo Jeremia 7:31.
Ulelo ore video Nge Kore Pengene Nore Tango?
3. Ilo, nodei tango thuni co enengoco ne ej?
Nodei tango ha deko ma nengoc, ka ha se deko ma taedehngi. (Ta Salamo 115:17) Ome di, numu ta angela me nia, buic thuni co nengoc du ngom, inomelei buic ci amenuni o re ngom ha thu uane ko nodei tango kore ci nengoc. (2 Peteru 2:4) Ci wathebon kei Iehova co enengoco ne nodei tango.—Ieielo Deuteronomi 18:10, 11.
4. La kore co roilo yawe?
Nidi hmaiai kore nodei ngome ma ha tango co roilo yawe ome ri ten. Buice joko me tha ule Madaru ko ka hna rue o re nia, buic se co roilo yawe.—Ieielo Luke 23:43; Ta Ruace 24:15.
O re nodei ngome ma co roilo yawe thuni co yenon’ o re seseko ri poni Madaru, ne co aehngeni o re ci une ni buic du Iesu, ngei ma ninen ke buic. (Ahngabot 20:11-13) Buic’ o re ci roilo yawe ne ci ilon’ o re roi ha co menenge opodon ko ome ri ten.—Ieielo Ioane 5:28, 29.
5. Nge kore yeno so ej ri poni Madaru, lene sen’ o re ci roilo yawe?
Ha numu ci uroi ko nodei tango co roilo yawe, wen’ o re Madaru ha hna siatonelu o re Tenengoieni Nubonengo ha thu co taeto so ej. Inomelei, o re roilo yawe ci yeno ej’ o re nidi ci ran ne ile kore ci ra gupan ni Iehova. Ngei o re nodei tango ma roilo yawe, la kore ta ngome buhnije ci alane co ule dan?—Ieielo Ioane 3:16; Rome 6:23.
