YENO 8
Nge Kore Tan Madaru Ci Nueton’ o Re Nia Ne Nodei Ci Jo?
1. Hna pina korione kore nia?
Ha iweiai Madaru hna nue jeu’ o re ngome co musi, ka ci aehngeni ko ngome thathuniko co atakoni o re ushiwa nore ngom
Hna pina kore nia ome ri ten hnei Satana hna whane co cihmug. Ri hnadan, Satana angela me deko ienian, nianedi ko nubone “deko hna serepod ri seseko.” (Ioane 8:44) Nubone hna rereuone ko ngome co thidilu du nubone ke deko co thidilu du Madaru. Ile nubone me cihmug du Eva o re hmenew me hnadan, ne hna asisini bone co nineno nubon ka deko ma Madaru. Adamu hna hueleu Eva: bone joko deko hna nineno Madaru. Wen’ omelei ha pina kore ci jo ne tango.—Ieielo Genese 3:1-6, 19.
Satana hna ujeni Eva co cie o re wathebo, ile nubone me akurunilo o re icatac thu co seretha ne il’ o re Hna Doku ni Madaru, ci seretha ne il’ o re Meloikorerane. O re hmaiaiil’ o re ngome ha hna kora ne nubone ne hna kecon ko Madaru co hawo ni buic. Inomelei ha Satana di kore “necen’ o re ten’ o re aw.”—Ieielo Ioane 14:30; 1 Ioane 5:19.
2. Ilo nia kore nodei hna pupul hnei Madaru?
Nodei ac’ ileoden hna pupul hnei Madaru roi so. Nodei ngome ne nodei angela hna pupul thuni co ninen roi o Nubonengo. (Deuteronomi 32:4, 5) Madaru hna puli ej sese ne il’ o re ci nue gupa ej, ngei ej co rue o re roi ca nia. Inomelei, eje thuni co aehngeni du Madaru ko eje ci hnoro Nubonengo.—Ieielo Iakobo 1:13-15; 1 Ioane 5:3.
3. Tan’ o re nge Madaru hna nue o re nodei ace ci ajoni eje ca pina onom?
Iehova hna nue o re icatac co seretha ne il’ o re Hna Doku ni Nubonengo gu kokode so kore ezien. Tan’ o re nge? Bane asesekoni ko deko se hna doku me thuni co kanon’ ore nodei hnahneon’ ileoden jeu’ o re ngom. (Thu Pule 7:29; 8:9) Ha pase kore 6 000 kore ta nodei kenereken, ci asesekoni omelei: nodei ngome thu musi dekolo hna thuni co atakoni o re irue, kucokuco, nia ca nodei ued.—Ieielo Jeremia 10:23; Rome 9:17.
O re hna doku ni Madaru numu tharan so buic’ o re ci kedi omelei, deko ma inom’ o re hna doku ni ngom. (Isaia 48:17, 18) Dai asasa, Iehova ha co atakoni o re nodei hna doku ileoden. Buice so o re ci alan co ile ri hnadoku ni Nubonengo kore co menengon’ o re ten’ o re aw.—Isaia 11:9.—Ieielo Daniela 2:44.
Ulelo ore video Wen’ Ore Nge Madaru Ci Nue Ore Nodei Ci Jo?
4. Madaru ci kuni iwon’ o re nia, ka nge di kore eje co rue?
Satana hna ie hnorepeb’ on ko dekolo se ngome co sinimenenge du Madaru ri seseko ri hnor. Ilo, buhnij co seretha ne bon? Kori buhnij thuni! O re thu kuni iwon ni Madaru ci nue eje ileoden co asesekoni ko eje ci alan’ o re Hna Doku ni Nubonengo ri pon’ o re hna doku ni ngom. Co ahnga ri ci roi ni eje.—Ieielo Iopu 1:8-12; Ta Onatre 27:11.
5. Co korione ke eje co ure Madaru thu co Doku ni ej?
Nodei uane eje ci aehngeni ko eje ci ala Madaru co Doku ni ej
Eje co ure Madaru co Doku ni eje ri ci there ne ci rue o re hmi me seseko, ka ceden melei Tusi Hmijoc. (Ioane 4:23) Eje co udi Satana, ile me co ithua ne politik, ne irue, inomei Iesu.—Ieielo Ioane 17:14.
Satana ci ilon’ o re nene ni bon thu co ujeni o re ngom co ru nia ne co rue o re ta ace me kogo. Ka ngei eje ma nuacil’ o re nodei ac’ omelei, ha co teo eje ne co keco eje kore ta nidi kani ej. (1 Peteru 4:3, 4) Koiko, co nge ke ej? Eje co menenge sese ne nodei ngome ci hnoro Madaru? Eje co hue lewe o re nodei ininata ni Nubonengo me roi ne cece hnei ciran? Ngei eje ma cedi ko Egewa, melei eje ci asesekoni ko Satana hna cihmug bone ma hna ie ko deko se ngome co nineno Madaru ngei ma ile ri tubuhnid.—Ieielo 1 Korinito 6:9, 10; 15:33.
O re ci rane ni Madaru son’ o re ngom ci asesekoni ko o re nia ne ci jo ha co tako. Buic’ o re ci une jeu’ o melei co menenge ri ten’ o re aw e iara oiru ko.—Ieielo Ioane 3:16.
