YENO 15
Tan’ o Re Nge Buhnij Co Iara Yenon’ o Re Tusi Hmijoc?
1. Nge kore ta roi co numu ke buhnij ngei ma iara yenon’ o re Tusi Hmijoc?
O re nodei yeno ni Tusi Hmijoc ri gu tusiom ha hna ataceni ngei o re ci hnoro Iehova buhnij. Ka co iara aceucawani ko o re ci hnoro Madaru. (1 Peteru 2:2) Zi aceno Madaru lo lene sen’ o re Eberedo ni Nubonengo, ile me co ataceni o re ci uroi ni buhnije jeu’ o re waruma e iara oiru.—Ieielo Ioane 17:3; Juda 21.
Ngei buhnije co nidi ule kaceni Madaru, ile me hmalo kore ci une ni buhnij. Ile me aopodoneni Madaru ke buhnij. (Hebera 11:1, 6) Ci ujeni buhnije kore ci une co lereie ne co yewelu sere ri ta lene me tho ha thu co netit kore ta ci roi ni buhnij.—Ieielo Ta ruace 3:19.
2. Co korione di ke buhnije co konekatuon’ o soten co ule kaceni Madaru?
Ekowe ke buhnije co opodone co ihuejeu ne Iehova
Ma taedengi ke buhnij’ o re ta nata me roi, buhnije canga alane co lae natan: alaieni eje sese kore co watan’ o re ta nata me roi. Ngei buhnije ma iara yenon’ o re tusi Hmijoc, ile buhnije co yanata co ethawan’ o re ci une ni buhnije, ne nodei nata me roi so eje wenei Iehova.—Ieielo Rome 10:13-15.
Cece ke buic ci canga pulon’ o re ta nata omelei du re kan ne ta guhnamenenge ni buic. Ka co numu ci pareu. Dekolo co ie ko hmi ni re kani buic cihmug, roidi ielo du buic o re nodei hna beredone ri hnene hnei Madaru. Roi co iara uane ko o re ta lata me netit ne ta ruace me roi thawalan’ o re ta ci pule so.—Ieielo 2 Timothi 2:24, 25.
3. Nge kore ihuejeu buhnije ne Madaru?
O re Tusi Hmijoc melei ne ekonekatu so buhnije ha thu co hmalo kore ci carajewe. Ma ci hue kore ta ezien, buhnije ha co opodone co ihuejeu ne Iehova. Ile me ekowe ke buhnije co ngome ni Nubonengo.—Ieielo 2 Korinito 6:18.
4. Co korione ke buhnije co tedre lewe ore nodei ace buhnije hna pina il?
Thuni ke buhnije co hmalo ri ci carajewe ngei me iara yenon’ o re Tusi Hmijoc. (Hebera 5:13, 14) Sibonelo sen’ o se Témoin de Jéhovah co yenon’ o re Tusi Hmijoc lene ri gu tusi Qu’enseigne réellement la Bible ? Ngei buhnije me ci nidi yenon’ o re eberedo ni Madaru, ile me co hnahneone ko re ci roi ni buhnij.—Ieielo Ta Salamo 1:1-3; 73:27, 28.
O re nodei nata me roi ri gu tusi’ om wene i Iehova, o re Madaru hna Iala Wienon. Zi aceno Madaru lo, ile me acenonelo te o re nodei nidi thu hne. (Hebera 10:24, 25) Ka ngei ma tedre lewe o re nodei ace hna pina il ke buhnij, ilei Madaru co opodoneti, ile buhnije co hue netiti jeu’ o re nidi waruma, waruma tha thu aseko. Zi aceno Madaru lo, melei kore ace me nidi thawalan buhnije co rue.—Ieielo 1 Timothi 1:11; 6:19.
You May Also Like
’MA RE HMI
Ci Nge Ko Eloi Ri Hnoren’ o Re Hna Sanelo No Re Baselaia?
Ci Nge Ko Eloi Ri Hnoren’ o Re Hna Sanelo No Re Baselaia?
LA KE EHNIJ?
Bane Nge Co Yenon’ o Re Tusi Hmijoc?
Tusi Hmijoc ci nidi konekatuon’ o re ta thauzan ne ta thauzan’ o re ngom ni ten’ o re awe ileoden co uni o re nodei ne cedi nore nodei hnenge me hmaiai nore ci roi. Ilo, buhnijengo ngei ci alan co thuni te co uni?
