Kacene ngei hmengo ci tacebut co cagoren’ o re mariage ne fami ni hmengo, numu ta ace me kedene ci pina ile me ushiwa ke hmengo co iara opodon. (Thu Pule 9:11) Iehova me thu rane ci kanu eje o re konekatu bane aengetaceni eje ri ezien’ o re sheusheu me hmajiadr. Ngei hmengo ma huelewe o re ta enengoco ni Tusi Hmijoc, ile hmengo ne fami ni hmengo co thuni co serepode ri tadan’ o re nodei ace me nidi tho.

CI IE KO NGE KEI TUSI HMIJOC: “Ka nuebote so du Nubonengo o re ushiwa ileodene ni buhnije wen’ o re Nubonengo ci uato buhnij.” (1 Peteru 5:7) Hage ilo Iehova ti o re ta sheusheu ni hmengo. (Iakobo 1:13) Ke aceno Nubonengo lo ko, ile Nubonengo co kanu hmengo o re nekonekatu me oniil. (Isaia 41:10) “Piebote ri tadawaieni Nubonengo o re ta hnore ni buhnij.”—Ta Salamo 62:8.

Ieielo ne yenonelo o re Tusi Hmijoc ri nodei ran. Wen’ omelei hmengo co ulelu ko Iehova “thu aopodoneni ehnije ri ushiwa ileodene ni ehnij.” (2 Korinito 1:3, 4; Rome 15:4) Nubonengo ci ie sesekone ko co kanu hmengo “o re dongodongo ni Madaru me hmaiai ri pon’ o re ci uan’ ileoden.” —Filipi 4:6, 7, 13.

NGE KO RE HMENGO THUNI CO RUE:

• Hnelo thu kedi o re nekonekatu ni Iehova thu menenge nidra ne thu uane me roi

• Ulelo yawe o re ta hna uane, ka ureielo o re ta la rue me roi son’ o re ezien

CI IE KO NGE KEI TUSI HMIJOC: “Ono re hnore no re ngome me thu kikione ci lae ngome nata, ka ono re wabaiwa no re ngome waetea ci there o re ci ule kacen.” (Ta Onatre 18:15) Ule kacenelu o re nodei besoins ni la fami. Enengocolo ne buic. Taedengilu o re ta enengo ni buic.—Ta Onatre 20:5.

Co nge ke eje ngei ma tango ko re ta nidi kan? Deko co hnana co mane. Uanelo ke hmengo ko “Ilei Iesu me yanadraibot.” (Ioane 11:35; Thu Pule 3:4) Dai nono ne thaet, melei nidi ac. (Thu Pule 4:6) Inomelei thuni ke hmengo co tadalo jeu’ o re sheusheu.

NGE KO RE HMENGO THUNI CO RUE:

• Ri hnadan’ o re co pina ko re sheusheu, co acidane co enengoco ti omelei ne la fami. Ma melei kei sheusheu, buice deko co ushiwa co nengocon du hmengo

• Enengocolo ne buice ma ha hna numu sheusheu inomelei

CI IE KO NGE KEI TUSI HMIJOC: “Ono re kane ci ehnoro ri nodei ezien’ ileoden, ka ono re aceceluaieni ha hna hnapone bane son’ o re eziene me nure.” (Ta Onatre 17:17) Re kani hmengo ci alane co konekatu hmengo, ke deko di ma cara jewe o re co rue. Ielo du buic’ o re ta ace hmengo ci alane ko buice co rue so hmengo. (Ta Onatre 12:25) Inomelei, hmengo co there o re ekonekatu sei buic’ o re ci cara jewe o re Tusi Hmijoc. O re enengo buice co kanu hmengo wene ri Tusi Hmijoc co konekatu hmengo.—Iakobo 5:14.

Hmengo thuni co uni o re nekonekatu me oniile ngei ma ci hue sese ne il’ o re node me ci nidi une du Madaru ne nodei eberedo ni Nubonengo. Co uni joko o re opodone ngei hmengo ma konekatuon’ osotene me ile ri sheusheu. Ethawan’o re ci une du Iehova ni hmengo ne buic. Serepodelu thu co konekatuon’ osoten me ile ri nur ke deko co menenge ithua ne buic’ o re ci hnoro hmengo ne ci ua hmengo.—Ta Onatre 18:1; 1 Korinito 15:58.

NGE KO RE HMENGO THUNI CO RUE:

• Enengocolo ne se ngome me nidi kan’ o re ci hnoro hmengo ne nue bonebut co konekatu hmengo

• Ie ahnganelo o re ta ua ushiwane ni hmengo