Bo ci cara jewe o re baselaia eje co etha nata ti?— Kori, ka Baselaia ni Madaru, bone kore co ilon’ o re ten’ o re aw ha thu co Paradais. Bo ngei ci alane co cara jewe hmaiaion ri pon’ o re Baselaia omelei?—

O re nodei baselaia numu doku. O re doku kore ci musion’o re nodei ngome ri node ni bon. Bo ha ule ko la kore doku nore Baselaia ni Madaru?— Iesu Keriso. Nubonengo ci ile ri aw. Dai asasa Iesu ha co doku ri pon’ o re nodei ngome ileodene ome ri ten! Bo ci uane ko eje ha co opodone ngei Iesu ma co musion’ o re ten’ o re aw?—

Eje ha co nidi opodon! Ri Paradais, o re nodei ngome ha deko co isesero, ka se ha deko co irue. Ileodene co era so. Deko se ngome co ued, ka se deko se ngome co tango. Ha co iule kore nodei namanashen, ha co taedengi kore nodei wabahnid, ka buice onome me thathuniko ha co nyanyade ne shota. Ileoden’ o re ngome ha co iara numu kodaru. Nodei ia ha co kaka ne thaet sese. Buice ha co lata nidra du ej. Nodei tango ha co roilo yawe. Hmaiai kore ta cahmane ne hmenewe eje hna etha nata ti ri gu tusi om, inome i Rebeka, Rehaba, Davita ne Elia, buice joko co roilo yawe! Bo  ngei ci alane co iule ne buice ma co roilo yawe?—

Iehova ci hnoro bo ne ci alane ko bo co opodon. Ngei bo ma iara yenone ri poni Madaru ne co nineno Nubonengo, ile bo co menenge iweiai ri Paradais me kariroi! Ilo, bo ci alan?—