OSHUNGOLANGELO No. 1 2023 | Uupyakadhi wopamadhiladhilo — Ekwatho okuza mOmbiimbeli
Uupyakadhi wopamadhiladhilo omukithi ngoka tagu hepeke aantu oyendji muuyuni awuhe. Kashi na nduno mbudhi kutya omuntu omugundjuka nenge omukokele, omuyamba nenge ohepele, okwa longwa nenge ina longwa, ogwomeputuko nenge ogwomelongelokalunga lini, ota vulu okwaadhika kuupyakadhi wopamadhiladhilo. Omikithi dhopamadhiladhilo odhini, nohadhi gumu aantu ngiini? Oshifo shika otashi kundathana esimano lyokukonga ekwatho lyopaunamiti tali opalele nosho wo nkene Ombiimbeli tayi vulu okukwathela mboka ya ninga iihakanwa yadho.
Uupyakadhi wopamadhiladhilo omukundu gu li muuyuni awuhe
Uupyakadhi wopamadhiladhilo ohawu vulu okukwata aantu yomimvo adhihe noyomaputuko ga yoolokathana. Tala nkene omayele ngoka ge li mOmbiimbeli taga vulu okukwathela kombinga yuupyakadhi wopamadhiladhilo.
Kalunga oku na ko nasha nangoye
Omolwashike tatu vulu okukala tu na uushili kutya Jehova Kalunga oku uvite ko omadhiladhilo nomaiyuvo goye, e vule kehe gumwe?
1 | Egalikano — “Mu tsikeni iimpwiyu yeni ayihe”
Mbela oto vulu ngaa okugalikana kuKalunga kombinga yiimpwiyu mbyoka wu na nenge yakehe shimwe shoka to ipula nasho? Egalikano otali vulu ngiini okweetela uuwanawa mboka haya kala ye na iimpwiyu?
2 | ‘Omukumo okuza mOohapu dhaKalunga’
Ombiimbeli otayi tu pe etagemeno lyolela kutya masiku omaiyuvo omawinayi otaga ka hula po.
3 | Mona uuwanawa miiholelwa yomOmbiimbeli
Omahokololo gomOmbiimbeli kombinga yaalumentu naakiintu mboka ye na omaiyuvo ga fa getu otaga vulu oku tu kwathela tu kale tu uvite kaatu li otse atuke uuna tatu ungaunga nomaiyuvo omawinayi.
4 | Ombiimbeli ohayi gandja omayele taga kwathele
Tala nkene oohapu dha za mOmbiimbeli nosho wo okwiitulila po omalalakano ge li pandjele tayi vulu oku ku kwathela wu ungaunge nuupyakadhi wopamadhiladhilo.
Nkene to vulu okukwathela mboka ye na uupyakadhi wopamadhiladhilo
okukwathela yamwe ohaku ya ningitha yamwe ya kele yu uvite hwepo uuna yena uuvu wopamadhiladhilo.
