Oonakusa otaya ka ningilwa shike?
Atuheni otwa gumwa keso, ihe mbela ngele omuntu a si okwa hula ko sigo aluhe? Mbela aasi oya dhimbiwa? Etegameno lini tu na li na ko nasha noonakusa?
TALA KWAASHOKA OMBIIMBELI TAYI TI:
OONAKUSA INAYA DHIMBIWA
‘Oonakusa ayehe mboka ye li moombila, otaa ka za mo moombila dhawo.’ — Johannes 5:28, 29.
Kalunga oha dhimbulukwa aantu mboka ya sa; mboka ye li momadhiladhilo ge otaya ka yumuka.
KOMBANDA YEVI OTAKU KA KALA EYUMUKO
“Kalunga ota ka yumudha aantu ayehe kuusi, naawanawa naawinayi.” — Iilonga 24:15.
Aantu omabiliyona otaya ka yumudhwa notaya ka kala netegameno lyokukala nomwenyo sigo aluhe ye na ombili oyindji.
OTATU VULU OKUKALA NUUSHILI KUTYA OONAKUSA OTAYA KA YUMUDHWA
“[Kalunga] otu utha omwaalu gwoonyothi note dhi ithana komadhina.” — Episalomi 147:4.
Molwaashoka Kalunga oha vulu okwiithana oonyothi adhihe komadhina, ota vulu okudhimbulukwa nuupu aantu ayehe mboka ta ka yumudha.
