Mbela owa lesha nawa Ooshungolangelo dhomo 2020? Tala ngele oto vulu okuyamukula omapulo taga landula:

Aagwayekwa oye na okuungaungiwa nayo ngiini?

Ohatu ya pandula sho ye na eitaalo lya kola, ihe nando ngawo, otu na okuyanda “oku ya pa esimano lya pitilila.” (Jud. 16, NW) Katu na oku ya pula omapulo kombinga yiinima yawo yopaumwene. — w20.01, ep. 29.

Oshike shi na oku ku tompa kutya Jehova oha kala e ku wete?

Ombiimbeli otayi ulike kutya okwa kala e ku wete nomanga inoo valwa. Oha uvu wo omagalikano goye. Omadhiladhilo goye oku ga shi nosho wo shoka shi li momutima gwoye naashoka ho ningi ohashi mu gumu. (1 Ondjal. 28:9; Omayel. 27:11) Okwe ku nanena kuye. — w20.02, ep. 12.

Uunake shi li nawa okupopya nuunake tu na okumwena?

Ohatu popi kombinga yaJehova nenyanyu. Ihatu kala twa mwena uuna tu wete omuntu ta katuka kaa shi li pandunge. Aakuluntugongalo ohaya popi natse, ye tu pe omayele uuna sha pumbiwa. Ihatu pula uuyelele (nenge tu lombwele yalwe) kombinga yankene iilonga yetu hayi longwa miilongo moka iilonga yetu yi indikwa. Ihatu lombwele aantu iiholekwa. — w20.03, ep. 20-21.

Oombahu ndhoka dha popiwa muJoel ontopolwa 2, odha yooloka ko ngiini kwaandhoka dha popiwa mEhololo ontopolwa 9?

Joel 2:20-29 okwa ti kutya Kalunga ota ka tidha po oombahu nota ka futila po shoka aantu ya kanitha omolwoombahu. Konima yaashono, Kalunga ota ka tilila ombepo ye maantu. Oshitopolwa shehunganeko ndyono osha gwanithwa sho Babilonia a ponokele Israeli nosho wo konima yaashoka. Ehololo 9:1-11 otali popi kombinga yaagwayekwa yopethimbo lyetu, mboka ya fa oombahu, sho taya uvithile uuyuni mbuka wa kolokosha etumwalaka lyaKalunga lyepangulo, oshinima shoka tashi ka geyitha noonkondo mboka ye li ompinge naKalunga. — w20.04, ep. 3-6.

Olye omukwaniilwa gwokuumbangalantu kunena?

ORusia niilongo mbyoka yi imanga kumwe naye. Oya kala nokumonitha iihuna aapiya yaKalunga, mokwiindika iilonga yetu yokuuvitha nokuulika kutya oye tonde Oonzapo. Omukwaniilwa gwokuumbangalantu okwa kala ta ningi ethigathanopo nomukwaniilwa gwokuumbugantu. — w20.05, ep. 13.

Mbela omaukwatya ngoka ga popiwa mAagalati 5:22, 23, ogo owala “iiyimati yOmbepo”?

Hasho. Ombepo ondjapuki ohayi tu kwathele tu kokeke wo omaukwatya omawanawa, ngaashi uuyuuki. (Ef. 5:8, 9) — w20.06, ep. 17.

Omolwashike okutula omathano kombinga yoye mwene komakwatathano gopaintaneta kwa nika oshiponga?

Shoka ho tula ko, otashi vulika shi gandje edhiladhilo kutya otwi itadha nosho wo kutya ku shi omwiifupipiki. — w20.07, ep. 6-7.

Aauvithi otaya vulu okwiilonga shike kaayuli yoohi ya pyokoka?

Ohaya ka kwata oohi pethimbo tali opalele nopehala mpoka taya vulu okuyula odhindji. Oya dheulwa ya kale ye shi nkene ye na okulongitha iilongitho tayi opalele. Ohaya longo wo nuulaadhi nomoonkalo oondhigu. Otatu vulu okukala hatu ningi sha faathana muukalele. — w20.09, ep. 5.

Omomikalo dhimwe dhini tatu vulu okukwathela aakonakonimbiimbeli yetu ya kale ye hole Jehova noonkondo?

Otatu vulu oku ya ladhipika ya kale haya lesha Ombiimbeli esiku kehe noya kale haya tedhatedha kwaashoka ya lesha. Otatu vulu wo oku ya longa nkene ye na okugalikana. — w20.11, ep. 4.

Oolye ya kwatelwa moohapu ndhika tadhi ti: “Aantu ayehe otaa ka yumudhwa omolwuukumwe wawo naKristus”? — 1 Kor. 15:22.

Omuyapostoli Paulus ka li ta ti kutya kehe omuntu ota ka yumudhwa. Okwa li ta popi kombinga yAakriste aagwayekwa mboka ya li ya ningi “aayapuki muukumwe naKristus Jesus.” (1 Kor. 1:2; 15:18) — w20.12, ep. 5-6.

Aagwayekwa otaya ka ninga shike konima ngele ya shitululwa ‘mepathimo lyeho, uuna enkuma lyahugunina tali ka hikwa’? — 1 Kor. 15:51-53.

Otaya ka longa pamwe naJesus mokutonatela aantu nondhimbo yosheela. (Eh. 2:26, 27) — w20.12, ep. 12-13.