OSHUNGOLANGELO YOKUKONAKONWA Juni 2020
Oshifo shika oshi na iitopolwa yokukonakonwa mbyoka tayi ka konakonwa okuza mo 3-30 Auguste 2020.
“Edhina lyoye nali yapulwe”
Oshitopolwa shokukonakonwa 23: 3-9 Auguste 2020. Ompata yini ya simana ya taalela iishitwa ayihe iinandunge? Oshike sha ningitha ompata ndjoka yi kale ya simanenena, nonkandangala yini tatu dhana moku yi kandula po? Ngele otwa kala tu shi omayamukulo gomapulo ngoka nagalwe ge ga pamba, otashi ke tu kwathela tu koleke ekwatathano lyetu naJehova.
“Hanganitha omutima gwandje mokutila edhina lyoye”
Oshitopolwa shokukonakonwa 24: 10-16 Auguste 2020. Moshitopolwa shika, otatu ka kundathana kombinga yegalikano lyomukwaniilwa David ndyoka li li mEpisalomi 86:11, 12. Okutila edhina lyaJehova osha hala okutya shike? Omolwashike tu na okukala twe li simaneka noonkondo? Ongiini etilokalunga tali tu gamene kaatu gwile momamakelo?
Omapulo ga za kaaleshi
Mbela omaukwatya ngoka ga popiwa mAagalati 5:22, 23, agehe oge li “iiyimati yOmbepo”?
“Ongame mwene tandi ka konga oonzi dhandje”
Oshitopolwa shokukonakonwa 25: 17-23 Auguste 2020. Omolwashike yamwe mboka ya longela Jehova nuudhiginini uule womimvo, haya thigi po egongalo? Kalunga oha kala e yu uvitile ngiini? Oshitopolwa shika otashi ka yamukula omapulo ngoka. Otashi ka kundathana wo shoka tatu vulu okwiilonga kunkene Jehova a li a kwathele yamwe yomaapiya ye yonale, mboka ya li ye etha po oku mu longela uule wokathimbo.
“Galukileni kungame”
Oshitopolwa shokukonakonwa 26: 24-30 Auguste 2020. Jehova okwa hala mboka ihaaye endathana we negongalo ya galukile kuye. Otatu vulu okuninga oshindji, tu ladhipike mboka ya hala okutaamba ko ehiyo lyaJehova ndyoka tali ti: “Galukileni kungame.” Moshitopolwa shika, otatu ka kundathana nkene tatu vulu oku ya kwathela ye shi ninge.
