Oshitopolwa “What’s New” mo-JW Library^® shoka wo sha tolokwa “Oku na shike oshipe” kepandja jw.org lyOshindonga, ohashi kala shi na iitopolwa iipe nuuvidio uupe mboka, opo wa tulwa ko kepandja ndyoka. Ongiini to vulu okulongitha oshitopolwa shoka wu mone uuyelele mboka uupe?

• MOmusholondondo gwiikundathanwa ohamu gwedhwa iitopolwa iipe mbyoka ya pamba iikundathanwa mbyoka. Onkee ano, uuna omusholondondo gwiikundathanwa gwa holoka mpoka pwa nyolwa “What’s New,” oto vulu oku gu tapa wu tale oshitopolwa oshipe shoka sha tulwa mo. Oshitopolwa shoka oshipe ohashi kala aluhe ketameko, shi ikolelela mesiku moka sha tulwa ko.

• Iileshomwa mbyoka iile, ngaashi iifo, otashi vulika wu kale itoo vulu oku yi mana ko oku yi lesha poshikando. Onkee ano, opo wu vule oku ke shi lesha natango sigo we shi mana ko, shi tula momusholondondo mpoka pwa nyolwa “Favorites.”

Iinima yimwe ngaashi oonkundana nosho wo omatseyitho, ohaga holoka owala kepandja lyokointaneta, jw.org, ihe hamo-JW Library. Dhimbulukwa aluhe okukala ho tala kepandja ndyoka moshitopolwa “Oku na shike oshipe,” wu mone iitopolwa iipe mbyoka ya tulwa ko.