OSHITOPOLWA SHOKUKONAKONWA 35
Jehova okwa lenga aapiya ye aaifupipiki
‘Jehova oha tonatele aadhinwa.’ — EPS. 138:6.
EIMBILO 48 Enda pamwe naJehova esiku kehe
ELALAKANO LYOSHITOPOLWA *
1. Jehova okwa tala ko ngiini aaifupipiki? Shi yelitha.
JEHOVA oku hole aantu mboka aaifupipiki. Mboka aaifupipiki shili, oyo owala taya vulu okukala ye na ekwatathano lyopothingo naye. Mepingathano naashoka, ‘mboka ye hole uuntsa, oku li kokule nayo.’ (Eps. 138:6, yelekanitha NW.) Atuheni otwa hala okunyanyudha Jehova notwa hala a kale popepi natse, onkee ano, otu na omatompelo omawanawa gokukala twa hala tu kale aaifupipiki.
2. Oshike tatu ka kundathana moshitopolwa shika?
2 Moshitopolwa shika otatu ka kundathana omayamukulo gomapulo gatatu taga landula: (1) Eifupipiko oshike? (2) Omolwashike twa pumbwa uukwatya mboka? (3) Oonkalo dhini tadhi vulu okumakela eifupipiko lyetu? Ngaashi tatu ke shi kundathana, uuna tu na eifupipiko, ohashi nyanyudha omutima gwaJehova nohashi tu etele uuwanawa. — Omayel. 27:11; Jes. 48:17.
EIFUPIPIKO OSHIKE?
3. Eifupipiko oshike?
3 Eifupipiko olyo okwiishonopeka kwomadhiladhilo nokwaa kala wu na uuntsa nenge einenepeko. Omuntu ngoka omwiifupipiki ihi itala ko a simana e vule yalwe noke na uuntsa. Ombiimbeli oya ti kutya omuntu ngoka omwiifupipiki oha kala e na etaloko ewanawa li na ko nasha nekwatathano lye naJehova Kalunga nosho wo naantu ooyakwawo. Oha tala ko wo yalwe ye mu vule. — Fil. 2:3, 4.
4-5. Omolwashike omuntu ngoka ha monika a fa omwiifupipiki tashi vulika a kale e na uuntsa?
4 Aantu yamwe ohaya kala taya monika ya fa aaifupipiki, ihe hasho ye li. Otashi vulika ya kale ye na oohoni nenge ihaaya popyagana. Luk. 6:45.
Nenge tashi vulika ya kale ye na omikalo omiwanawa noya simaneka yalwe, omolweputuko lyawo. Ihe paushili wo wene, otashi vulika ye na uuntsa momitima dhawo. Ihe konima yethimbo, iikala mbyoka ohayi ke ya puuyelele. —5 Mepingathano naashono, aantu mboka haya monika ye na omukumo nohaya popi nkene ye uvite, itashi ti kutya oye na uuntsa. (Joh. 1:46, 47) Nonando ongawo, aantu ya tya ngaaka oye na okukala ya kotoka, opo kaayi inekele muyo yene. Kashi na nduno mbudhi kutya otwa tya ngiini, atuheni otwa pumbwa okulonga nuudhiginini tu kale aaifupipiki.
Omuyapostoli Paulus okwa li omwiifupipiki noka li i itala ko a simana (Tala okatendo 6) *
6. Ngaashi sha popiwa mAakorinto yotango 15:10, oshike tatu ilongo koshiholelwa shomuyapostoli Paulus?
6 Natu taleni koshiholelwa shomuyapostoli Paulus. Olundji okwa li a longithwa kuJehova a tote omagongalo miilando niilando. Otashi vulika a longa oshindji miilonga yokuuvitha e vule aayapostoli ooyakwawo ayehe yaJesus Kristus. Nonando ongawo, Paulus ka li i itala ko a simana nenge e vule aamwahe. Okwe shi popi neifupipiko a ti: “Ngame ondi vulike kaayapostoli ayehe noinandi gwana, ndi ithanwe omuyapostoli, oshoka onda tidhaganene egongalo lyaKalunga.” (1 Kor. 15:9) Paulus okwa popi oshinima shi li mondjila, sho a ti kutya oku na ekwatathano ewanawa naJehova molwesilohenda Lye, ihe hamolwaashono ando a li omuntu i ikalekelwa nenge a pondola oshindji. (Lesha 1 Aakorinto 15:10.) Paulus ina tula po tuu oshiholelwa oshiwanawa sheifupipiko! Sho a nyolele Aakriste yomuKorinto ontumwafo, ka li i itanga, nonando yamwe megongalo oya li taye mu popile muuwinayi. — 2 Kor. 10:10.
Karl F. Klein, omumwatate omwiifupipiki ngoka a li oshilyo sholutuwiliki (Tala okatendo 7)
7. Omumwatate gumwe gwopethimbo lyetu ngoka a tseyika nawa, okwa ulike ngiini eifupipiko?
7 Aapiya oyendji yaJehova oya kala nokutsuwa omukumo kondjokonona yomumwatate Karl F. Klein, ngoka a li oshilyo shOlutuwiliki. *
Mondjokonona ye, okwa popi neifupipiko kutya okwa kala nokupita momashongo ogendji uule womimvo. Pashiholelwa, mo 1920 nasha, oshikando shotango a longa egumbo negumbo osha li oshidhigu kuye. Shoka oshe mu ningitha kaa longe egumbo negumbo uule womimvo mbali lwaampono. Lwanima, sho a ka kala ha longo moBetel, okwa li a pewa omayele komumwatate gumwe, e te mu kwatele onkone. Okwa li wo a adhika kuupyakadhi wopamadhiladhilo, nokonima okwa ka aluka. Nonando ongawo, okwa li wo a nyanyukilwa omauthembahenda ogendji ga dhenga mbanda. Omumwatate Klein okwa li lela omwiifupipiki, shoka sha ulikwa kokuhokolola kwe omashongo ngoka a pita mugo, nonando okwa li a tseyika nawa. Aamwatate naamwameme oyendji, ohaya dhimbulukwa omumwatate Klein nondjokonona ye yihokitha.OMOLWASHIKE TWA PUMBWA OKUKALA TU NA EIFUPIPIKO?
8. Petrus gwotango 5:6, otayi tu kwathele ngiini tu mone kutya eifupipiko ohali nyanyudha Jehova?
8 Etompelo lyetu lya simanenena kutya omolwashike hatu kambadhala okukala aaifupipiki, olyo kutya otwa hala okunyanyudha Jehova. Shoka osha yelithwa nawa komuyapostoli Petrus. (Lesha 1 Petrus 5:6.) Embo “Ila wu landule ndje,” olya popi kombinga yoohapu dhaPetrus lya ti: “Uuntsa ohawu tetekele epunduko. Otawu vulu okuningitha omuntu ngoka e na omagano a kale kee na ongushu yasha kuKalunga. Ihe eifupipiko otali vulu okuninga nokuli omudhinwa a kale e na ongushu momeho gaJehova. . . . Ota ka . . . nyanyukwa oku ku pa ondjambi omolweifupipiko lyoye.” * Odhoshili kutya oshinima oshiwanawa noonkondo shoka tatu vulu okuninga, okunyanyudha omutima gwaJehova. — Omayel. 23:15.
9. Eifupipiko ohali hilile ngiini yalwe kutse?
9 Kakele kokunyanyudha Jehova, ohatu mono omauwanawa ogendji, uuna tu na eifupipiko. Eifupipiko ohali hilile yalwe kutse. Opo tu shi uve ko, natu itule moongaku dhayalwe. (Mat. 7:12) Oyendji yomutse katu hole okukala pamwe naamboka ye hole owala iinima yi ningwe ngaashi ya hala nohaya tindi omaetopo gayalwe. Mepingathano naashono, otu hole okweendathana nooitaali ooyakwetu mboka haye tu ulukile ‘euvitopamwe, ohole yuumwayinathana, ohenda neifupipiko.’ (1 Pet. 3:8) Ngele ohatu endathana naantu ya tya ngawo, nayo otaye ke shi nyanyukilwa okweendathana natse, ngele otu na eifupipiko.
10. Ongiini eifupipiko hali kaleke onkalamwenyo yetu ompu?
Omuuv. 10:7) Omathimbo gamwe, aantu mboka ye na oondondo dhopombanda, haaluhe haya simanekwa. Omanga omathimbo gamwe, mboka ye na oondondo dhopevi, haya simanekwa noonkondo. Nonando ongawo, Salomo okwe shi zimina kutya oshi li pandunge kutse okutaamba ko onkalamwenyo yi li ngaashi yi li, pehala lyokukala twa geya, uuna iinima itaayi tu endele nawa. (Omuuv. 6:9) Ngele otu na eifupipiko, otashi ka kala oshipu kutse oku yi taamba ko ngaashi yi li, ihe hangaashi twa hala.
10 Ngele otu na eifupipiko, onkalamwenyo ohayi kala ompu kutse. Odhoshili kutya omathimbo gamwe otashi vulika tu mone iinima ya fa tayi ningwa kaashi li pauyuuki. Omukwaniilwa omunandunge Salomo okwa ti: “Onda mono aapika ya kayila uukambe, naawa taye ende kolupadhi ya fa aapika.” (OONKALO DHINI TADHI VULU OKUMAKELA EIFUPIPIKO LYETU?
Ongiini oonkalo ngaashi ndhika hadhi vulu okumakela eifupipiko lyetu? (Tala okatendo 11-12) *
11. Otu na okwiinyenga ngiini, uuna tatu pewa omayele?
11 Esiku kehe ohatu kala tu na oompito odhindji dhokuulika eifupipiko. Natu taleni kiiholelwa tayi landula. Uuna tatu pewa omayele. Otu na okudhimbulukwa kutya uuna gumwe te tu pukulula, otashi vulika twa ninga epuko enene, nonando tse otwe li tala ko eshona. Uuna tatu pewa omayele, petameko otashi vulika tu ga tinde. Otashi vulika tu pe uusama ngoka e ge tu pa nenge omukalo moka e shi ninga. Ihe ngele otu na eifupipiko, otatu ka kambadhala okuulika iikala iiwanawa.
12. Shi ikolelela kOmayeletumbulo 27:5, 6, omolwashike twa pumbwa okupandula omuntu ngoka te tu pe omayele? Shi thaneka.
12 Omuntu ngoka e na eifupipiko, oha pandula omayele ngoka ta pewa. Natu shi thaneke ngeyi: Natu tye ando owu li pokugongala kwopaKriste. Konima sho wa popi nooitaali ooyakweni yamwe, gumwe okwe ku ithana po, e te ku lombwele kutya owu na sha momayego. Osha yela kutya oto ka kala wa sa ohoni. Ihe mbela ito ka kala wa pandula sho e ku lombwela? Odhoshili kutya otashi vulika wu tye ando gumwe okwe ku lombwelele nale. Sha faathana, otu na okukala tu na eifupipiko nokupandula omwiitaali omukwetu ngoka te tu pe omayele, uuna twe ga pumbwa. Omuntu ngoka otu na oku mu tala ko e li kuume ketu, ihe hamutondi gwetu. — Lesha Omayeletumbulo 27:5, 6; Gal. 4:16.
Omolwashike eifupipiko lya pumbiwa, uuna yalwe ya pewa iinakugwanithwa yontumba? (Tala okatendo 13-14) *
13. Ongiini tatu vulu okuulika eifupipiko, uuna yalwe ya pewa iinakugwanithwa megongalo?
13 Uuna yalwe ya pewa iinakugwanithwa megongalo. Omukuluntugongalo gwedhina Jason, ota ti: “Uuna nda mono yalwe ya pewa iinakugwanithwa, omathimbo gamwe ohandi ipula kutya omolwashike inaandi yi pewa.” Mbela nangoye osho ho kala wu uvite ngawo? Inashi puka 1 Tim. 3:1) Nonando ongawo, otu na okukotokela shoka tatu dhiladhila. Ngele hasho, otashi vulika tu ethele mo uuntsa momitima dhetu. Pashiholelwa, omumwatate gwontumba otashi vulika a tameke okudhiladhila kutya oye unene a gwana okulonga oshilonga shontumba. Nenge, omumwameme gwontumba otashi vulika a dhiladhile ta ti: ‘Omusamane gwandje oye owala ta vulu okugwanitha po oshinakugwanithwa shika e vule yalwe!’ Ngele otu li aaifupipiki shili, otatu ka yanda ombepo ndjoka yuuntsa.
okukala wa “hala” okulonga oshindji miilonga yaJehova. (14. Oshike tatu ilongo komukalo moka Moses i inyenge, sho yalwe ya pewa iinakugwanithwa?
14 Otatu vulu okwiilonga sha komukalo moka Moses a li i inyenge, sho yalwe ya pewa iinakugwanithwa. Okwa li a pandula oshinakugwanithwa she shokukwatela komeho oshigwana shaIsraeli. Ihe sho Jehova a pe yalwe uuthembahenda ya longe pamwe naye, okwi inyenge ngiini? Ka li e ya sila efupa. (Num. 11:24-29) Okwa li omwiifupipiki nokwa etha yalwe ye mu kwathele moshilonga shokupangula aantu. (Eks. 18:13-24) Shoka oshe shi ningitha oshipu kAaisraeli kaaya tegelele ethimbo ele, uuna taya pangulwa. Momukalo moka, Moses okwa ulike kutya ka li a pititha iinakugwanithwa ye komeho yonkalonawa yayalwe. Ine tu tulila po tuu oshiholelwa oshiwanawa! Natu dhimbulukwe kutya ngele otwa hala Jehova e tu longithe, osha simanenena tu kale aaifupipiki, pehala lyokugandja eitulomo kuunkulungu wetu. Ombiimbeli otayi ti: “Omuwa, nando ou li pombanda megulu, oto tonatele aadhinwa.” — Eps. 138:6.
15. Oonkalo dhaamwatate naamwameme oyendji odha li dha lunduluka ngiini?
15 Uuna oonkalo dhetu dha lunduluka. Omimvo opo dha zi ko, aamwatate naamwameme oyendji mboka ya longela Jehova uule womimvo, oya pewa iinakugwanithwa iipe. Pashiholelwa, mo 2014 aatonateli yoshitopolwa naakulukadhi yawo, oya li ya lombwelwa ya ye miilonga yilwe yethimbo lyu udha. Momumvo
omo tuu moka, ehangano olya ti kutya uuna omutonatelishikandjo a adha omimvo 70, ina pumbwa we okutsikila niilonga mbyoka. Uuna omumwatate ngoka e li omuunganeki gwolutu lwaakuluntugongalo a adha omimvo 80 nenge dha konda po, ina pumbwa we okutsikila noshinakugwanithwa shoka. Shimwe ishewe, omimvo opo dha zi ko, Aabetel oyendji oya li ya tuminwa momapya. Yalwe kaya li ya vulu okutsikila niilonga yi ikalekelwa yethimbo lyu udha, omolwuukolele, iinakugwanithwa yuukwanegumbo nenge oonkalo dhilwe.16. Aamwatate naamwameme oya ulike ngiini eifupipiko, sho taya igilile iinakugwanithwa yawo iipe?
16 Osha li oshidhigu kaamwatate naamwameme mboka, ya taambe ko omalunduluko ngoka. Osha yela kutya oya li ye hole noonkondo iinakugwanithwa yawo iikulu mbyoka ya kala nokulonga uule womimvo. Yamwe osha li she ya nikitha lela oluhodhi, sho taya kambadhala okwiigilila iinakugwanithwa yawo iipe. Nonando ongawo, mokweendela ko kwethimbo, oya vulu oku yi igilila. Omolwashike? Etompelo lya simanenena, omolwohole yawo yokuhola Jehova. Oya li ye shi kutya oyi iyapulila Kalunga, ihe hailonga, edhinasimaneko nenge oshinakugwanithwa shontumba. (Kol. 3:23) Oya nyanyukwa okutsikila okulongela Jehova neifupipiko mukehe oshinakugwanithwa taya pewa. Ohaye ‘mu tsike iimpwiyu yawo ayihe,’ noye shi kutya ote ya sile oshimpwiyu. — 1 Pet. 5:6, 7.
17. Omolwashike twa pandula, sho Oohapu dhaKalunga tadhi tu ladhipike tu kale aaifupipiki?
17 Otwa pandula noonkondo, sho Oohapu dhaKalunga tadhi tu ladhipike tu kale aaifupipiki. Uuna tu na uukwatya mboka, ohashi tu etele uuwanawa nosho wo yalwe. Ohawu tu kwathele wo tu idhidhimikile omashongo monkalamwenyo. Shoka sha simanenena, ohawu tu hedhitha popepi naTate yetu gwomegulu. Otwa nyanyukwa noonkondo sho tu shi kutya nonando Jehova ‘oKalunga omuyapuki gwokombandambanda,’ oku hole nokwa lenga aapiya ye aaifupipiki. — Jes. 57:15.
EIMBILO 45 Omadhiladhilo gomomutima gwandje
^ okat. 5 Eifupipiko owumwe womuukwatya wa simanenena mboka twa pumbwa okukala tu na. Eifupipiko oshike? Omolwashike twa pumbwa uukwatya mboka? Omolwashike tashi vulu okukala oshidhigu tu kale aaifupipiki, uuna oonkalo dhetu dha lunduluka? Oshitopolwa shika otashi ka kundathana omapulo ngaka ga simana.
^ okat. 7 Tala oshitopolwa “Jehovah Has Dealt Rewardingly With Me” mOshungolangelo yOshiingilisa ye 1 Kotoba 1984.
^ okat. 8 Tala ontop. 3, okat. 23.
^ okat. 53 ETHANO: Omuyapostoli Paulus ta nyanyukilwa pamwe nayalwe, mwa kwatelwa aagundjuka, manga ye li megumbo lyomumwatate gumwe.
^ okat. 57 ETHANO: Omumwatate omukokele ta taamba ko omayele ga kankamena kOmbiimbeli, ngoka ta pewa komumwatate omugundjuka.
^ okat. 59 ETHANO: Omumwatate omukokele inaa sila efupa omumwatate omugundjuka, ngoka e na oshinakugwanithwa megongalo.