‘Kala wa tonata’
Nonando Jesus okwa li u ukitha eyele lyaakadhona omulongo kaalanduli ye aagwayekwa, Aakriste ayehe otaya vulu okwiilonga mo sha. (w15 3/15 ep. 9-14) “Kaleni ano mwa tonata, oshoka inamu tseya esiku notundi.” (Mat 25:13) Oto vulu okuyelitha eyele lyaJesus?
-
Ombushiki (ovelise 1) — Jesus
-
Aakadhona aanandunge, yi ilongekidha (ovelise 2) — Aakriste aagwayekwa mboka yi ilongekidha okugwanitha po oshinakugwanithwa shawo nuudhiginini notaya adhima ngaashi oonyothi sigo ehulilo (Fil 2:15)
-
Eigidho: “Ombushiki oye ngu!” (ovelise 6) — Uumbangi wu na ko nasha nokukala po kwaJesus
-
Aakadhona aagoya (ovelise 8) — Aakriste aagwayekwa mboka ya yi ya ka tsakaneke Ombushiki, ihe inaya kala ya tonata noinaya kala aadhiginini
-
Aakadhona aanandunge oya tindi okugandja omahooli kaakadhona aagoya (ovelise 9) — Konima yokutulwa oshihako shahugunina, ethimbo otali ka kala lya pwa po, opo aagwayekwa mboka aadhiginini ya kwathele mboka kaaye shi aadhiginini
-
“Ombushiki okwe ya” (ovelise 10) — Jesus ote ke eta epangulo sho uudhigu uunene wu li pokuhula
-
Sho ombushiki ye ya aakadhona aanandunge oya yi moshituthi shohango pamwe naye nosheelo oshe edhilwa (ovelise 10) — Jesus ota ka gongela aagwayekwa ye aadhiginini ya ye megulu, ihe mboka kaaye shi aadhiginini itaya ka mona ondjambi yokuya megulu