OMOLWASHIKE SHA SIMANA?: Uuna aakonakoni yi ilongekidha, ohayu uvu ko nohaya dhimbulukwa nuupu shoka to ya longo. Uuna yu uvite ko notaya dhimbulukwa iinima oyindji, otaya ka huma komeho nziya. Nokuli nokonima yokuninginithwa, oya pumbwa okukala hayi ilongekidhile okugongala nuukalele, opo ya ‘kale ya tonata.’ (Mat 25:13) Okukala ye shi nkene ye na okukonakona nokukala nondjigilile yokuninga iinima yopambepo, otashi ke ya kwathela monkalamwenyo yawo ayihe. Onkee ano, natu kwathele aakonakoni yetu ya kale ye na ondjigilile yokwiilongekidhila ekonakonombiimbeli lyawo okuza petameko.

NKENE TU NA OKU SHI NINGA:

• Mu tulila po oshiholelwa oshiwanawa. (Rom 2:21) Ilongekidhila ekonakono kehe wu na omukonakoni momadhiladhilo. (km 11/15 ep. 3) Mu ulukila nkene wa tenda mokambo koye

• Mu ladhipika i ilongekidhe. Ngele mwa tameke ekonakono, mu lombwela kutya okwiilongekidha nako oshitopolwa shekonakono e to mu yelithile omauwanawa goku shi ninga. Mu pa omaetopo gankene ta vulu okukonga ethimbo lyokwiilongekidha. Aauvithi yamwe ohaya pitike omukonakoni a longithe okambo kawo hoka ka tendwa pekonakono, opo ye mu kwathele a mone uuwanawa wokukala neyamukulo lya tendwa nale. Mu pandula uuna i ilongekidha

• Mu ulukila nkene e na okwiilongekidha. Petameko, aauvithi yamwe ohaya longitha ethimbo lyokukonakona, yu ulukile aakonakoni yawo nkene ye na okwiilongekidha