3:1-5

Omolwashike Jesus a li a nika oluhodhi noonkondo omolwiikala yaawiliki yelongelokalunga lyOshijuda? Aawiliki mboka oya ningitha Esabati li kale omutengi sho ya gwedha po omangambeko ogendji kaage na oshilonga. Pashiholelwa, kasha li sha pitikwa okudhipaga ona mEsabati. Omuntu okwa li owala ta vulu okwaaludhwa ngele omwenyo gwe gu li moshiponga. Sha hala okutya, ngele omuntu okwa teka esipa nenge a dhamuka ka li ta vulu okuyakulwa mEsabati. Ano aawiliki yelongelokalunga ndyoka kaya li ye na ko nasha shili nomulumentu ngoka a li e na oshikaha sha lemana.