ONKALAMWENYO YOPAKRISTE
Opo tu ninge aantu aalongwa, osha simanenena tu ya uvithile notu ya longe
Jesus okwa li a lombwele aalanduli ye ya ka ninge aantu aalongwa. (Mat 28:19) Shika osha kwatela mo oku ya uvithila noku ya longa. Omathimbo nomathimbo, atuheni otwa pumbwa okwiipula ngeyi: ‘Ongiini tandi vulu okuhwepopala mokuuvitha nomokulonga aantu?’
OKUUVITHA
Pehala lyokutegelela aantu ye ye kutse, otu na okukonga twa mana mo mboka ya “gwana.” (Mat 10:11, NW) Uuna tu li muukalele, ohatu kongo ngaa oompito tu popye naamboka “haa kala” mpoka tatu uvithile? (Iil 17:17) Lidia okwa li a ningi omulongwa, molwomuyapostoli Paulus ngoka a li hu uvitha nuulaadhi. — Iil 16:13-15.
“Kuna oombuto dhoye ongula, ngoye ino vululukitha wo iikaha yoye komatango” (Omuuv 11:6)
TALA OKAVIDIO TSIKILA OKUUVITHA NOPWAA NA OKUSHOLOLA — GANDJA UUNZAPO WONTUKULUKA NOKUUVITHA EGUMBO NEGUMBO, E TO YAMUKULA OMAPULO NGAKA:
-
Samuel okwa li u ulike ngiini momaipyakidhilo ge gesiku kehe kutya oha longo nuudhiginini, opo a kune oombuto dhoshili?
-
Omolwashike tu na okulonga nuudhiginini miilonga yokuuvitha yoludhi kehe?
-
Olye to vulu okulombwela etumwalaka lyUukwaniilwa momaipyakidhilo goye gesiku kehe?
OKULONGA AANTU
Opo tu ninge aantu aalongwa, katu na owala oku ya thigila iileshomwa. Opo tu ya kwathele ya hume komeho pambepo, natu ninge omaishunoko nomakonakonombiimbeli. (1Kor 3:6-9) Ihe ongiini ngele oonkambadhala dhetu dhokulonga aantu oshili inadhi eta lela iizemo? (Mat 13:19-22) Otu na okutsikila okukonga mboka ye na omitima dha fa ‘evi ewanawa.’ — Mat 13:23; Iil 13:48.
“Ngame onda kunu, Apollos e ta tekele, ihe Kalunga oye a menitha e ta kokitha oshimeno” (1Kor 3:6)
TALA OKAVIDIO TSIKILA OKUUVITHA NOPWAA NA OKUSHOLOLA — GANDJA UUNZAPO WOMONTANEHO NOKUNINGA AANTU AALONGWA, E TO YAMUKULA OMAPULO NGAKA:
-
Solomon naMary oya li ya tekele ngiini oombuto dhoshili ndhoka dha kunwa momutima gwaEzekiel naAbigail?
-
Elalakano lini tu na okukala tu na, uuna tatu kutha ombinga miilonga yokuuvitha yoludhi kehe, mwa kwatelwa okuuvitha montaneho?
-
Ongiini tatu vulu okugandja eitulomo lya gwana kokulonga yalwe oshili?
