Jakob okwa li a kondjo nomuyengeli omolwoshinima sha simana noonkondo, ano a yambekwe kuJehova. (Gen 32:24-31; Hos 12:3, 4) Ongiini kombinga yetu? Otu na ngaa ehalo lyokulonga nuudhiginini mokuvulika kuJehova, opo e tu yambeke? Pashiholelwa, ngele ando oto hogolola pokati kokukala aluhe pokugongala nokulonga olutaima kiilonga yomboloto, ando oto hogolola po shike? Uuna tatu longitha ethimbo lyetu nawa, oonkondo niiniwe yetu miilonga yaJehova, ote ke tu lokithila “eloolo lyomaliko guuyamba owindji.” (Mal 3:10) Ote ke tu wilika, ote ke tu gamena note ke tu sila oshimpwiyu. — Mat 6:33; Heb 13:5.

TALA OKAVIDIO KALA WA GANDJA EITULOMO KOMALALAKANO GOYE GOKULONGELA JEHOVA, E TO YAMUKULA OMAPULO TAGA LANDULA:

• Omumwameme okwa li a yelekwa ngiini koshinima shoka e hole?

• Ongiini iilonga tayi vulu okukala eyeleko kutse?

• Omolwashike Timoteus a li a pumbwa okutsikila nokwiitulila po omalalakano gokulongela Jehova, nonando okwa li omukriste a pyokoka? — 1Tim 4:16

• Ohatu ulike ngiini kutya “iilonga yetu ya simanenena” oyini?