Nonando Jehova ka li a gandja ompango yi li ompinge niikalunga, Jakob okwa li e shi kutya Jehova oye owala a gwana okulongelwa. (Eks 20:3-5) Onkee ano, konima sho Jehova e mu lombwele a shune kuBetel, Jakob okwa lombwele ayehe mboka ya li puye ya thige po iikalunga ayihe mbyoka ya li ye na. Jakob okwa fumvike iikalunga mbyoka, mwa kwatelwa uutenda womomakutsi mboka tashi vulika ya li haye wu zala ongiiketi. (Gen 35:1-4) Osha yela kutya Jehova okwa li a nyanyukilwa shoka Jakob a ningi.

Pethimbo lyetu, ongiini tatu vulu okulongela Jehova oye awike? Oshinima shimwe sha simana tu na okuninga, okuyanda kehe shimwe shi na ekwatathano niikalunga nenge nuumpulile. Shika osha kwatela mo okweekelahi oshinima kehe shoka tu na sha nika uulodhi nokukonakona nuukeka omainyanyudho getu. Pashiholelwa ipula ngeyi: ‘Mbela ondi hole okulesha omambo, okupulakena nenge okutala oomuvi dha kwatela mo iishitukila hayi thipi aantu ombinzi, omidhimba aniwa dha mwenyopalekwa nenge iinima yi na oonkondo dhaa shi dhopaunshitwe? Mbela omainyanyudho gandje oga kwatela mo uumpulile, okutikila, okuloga nenge okuthinga, ihe ohayi ulikwa momukalo ngoka ya fa inaayi nika oshiponga?’ Otu na okukala kokule nakehe shimwe shoka Jehova e tonde. — Eps 97:10.

TALA OKAVIDIO “KONDJITHENI SATANA,” E TO YAMUKULA OMAPULO NGAKA:

• Uupyakadhi wuni wa holoka monkalamwenyo yomukonakonimbiimbeli gwedhina Petrina?

• Omolwashike shi li pandunge okukonga ekwatho kaakuluntugongalo ngele ngoye nenge ngoka to konakona naye oha hepekwa koompwidhuli?

• Ngele owa hala Jehova e ku gamene, iinima yini wu na okweetha po thiluthilu?

• Petrina okwa ningi etokolo lini lyopandunge?

• Momudhingoloko gwoye, aantu ohayi ikelele ngiini koompwidhuli?