OMOLWASHIKE SHA SIMANA?: Omulongi dhingi, Jehova, ohe tu pe elongo lya dhenga mbanda. Ohe tu longo oshali nkene tu na okukala nonkalamwenyo yi li nawa ngashingeyi nomonakuyiwa. (Jes 11:6-9; 30:20, 21; Eh 22:17) Jehova ohe tu longo wo, opo tu vule okuuvithila yalwe etumwalaka ndyoka tali hupitha oomwenyo. — 2Kor 3:5.

NKENE TU NA OKU SHI NINGA:

• Kokeka uukwatya weifupipiko neishonopeko. — Eps 25:8, 9

• Taamba ko edheulo ndyoka Jehova te ku pe ngashingeyi, ngaashi okupitila miipopiwa yaanasikola pokugongala kwomokati koshiwike

• Itulila po omalalakano ngoka tage ku kwathele wu longele Jehova neitulomo. — Fil 3:13

• Ninga omaiyambo, opo wu vule okudheulilwa iinima yilwe. — Fil 3:8

TALA OKAVIDIO OKULONGWA KUJEHOVA OHAKU ETA OMAYAMBEKO OGENDJI, E TO YAMUKULA OMAPULO NGAKA:

• Omashongo geni aauvithi yamwe ya li ye na okusinda, opo ya ka hite Osikola yaauvithi yUukwaniilwa?

• Osikola ndjoka ohayi gandja edheulo lini?

• Ongiini iilyo yegongalo ya kwathela mboka ya za kOsikola yaauvithi yUukwaniilwa, ya gwanithe po iinakugwanithwa yawo iipe?

• Iitegelelwa yini omuntu a pumbwa okugwanitha po, opo a ka hite osikola ndjoka? (kr ep. 189)

• Oshike ishewe to vulu okulalakanena okudheulilwa mehangano lyaJehova?