Okutameka muSeptemba, okafo Onkalamwenyo yopaKriste niilonga yetu yokuuvitha otaka ka kala ke na oshiholelwa oshipe shefalomo shi na oshipalanyolo “Longa aantu oshili.” Elalakano lyetu olyo okulombwela aantu oshili yOmbiimbeli tatu longitha epulo nenyolo.

Ngele otwa mono kutya omuntu otu ulike ohokwe, otatu vulu okuninga oshilage tu galuke moku mu thigila oshileshomwa nenge moku mu ulukila okavidio ko-jw.org. Natu kambadhale okushuna komuntu nziya ngaashi tashi vulika, konima yetalelopo lyotango. Iiholelwa yomafalomo omape niipopiwa yaanasikola otayi ka kala yi ikolelela kengongo lyoontopolwa dha za mokambo Ombiimbeli otayi tu longo shike? Otatu ka adha mo omapulo nomanyolo ga gwedhwa po, ngoka tage ke tu kwathela tu ninge omaishunoko nenge omakonakonombiimbeli, tatu longitha owala Ombiimbeli.

Opu na owala ondjila yimwe tayi fala komwenyo. (Mat 7:13, 14) Molwaashoka ohatu popi naantu ya za momalongelokalunga nomomaputuko gi ili nogi ili, otwa pumbwa oku ya lombwela oshili yOmbiimbeli momukalo ngoka tagu ke ya guma pauhandimwe. (1Tim 2:4) Sho tatu ende tatu pyokoka mokukundathana iitopolwa yi ili noyi ili yOmbiimbeli nomokuhwepopaleka uunkulungu wetu ‘wokulonga aantu oshili ya yela yomoohapu dhaKalunga,’ enyanyu lyetu otali ki imonikila. Otatu ka pondola wo mokulonga aantu oshili. — 2Tim 2:15.