Jesus okwa yamba po omwenyo gwe omolwaantu inaaya gwanenena. (Rom 5:8) Kapu na omalimbililo kutya otwa pandula sho Jesus e tu ulukile ohole mokugandja omwenyo gwe omolwetu. Kakele kaashono, omathimbo gamwe otashi vulika hatu kala twa pumbwa okwiidhimbulukitha kutya Kristus okwa si omolwaamwatate wo. Ongiini tatu vulu okuulukila aamwatate naamwameme inaaya gwanenena ngaashi tse ohole yopaKriste? Natu tale omikalo ndatu moka tatu vulu oku shi ninga. Gwotango, otatu vulu okupanga uukuume naantu yalwe, twa kwatela mo mboka yomomaputuko gi ili. (Rom 15:7; 2Kor 6:12, 13) Oshitiyali, otatu vulu okukala twa kotoka kaatu popye nenge kaatu ninge iinima mbyoka tashi vulika yu uvithe nayi yalwe. (Rom 14:13-15) Shahugunina, ngele gumwe okwa yono kutse, otatu vulu oku mu dhimina po nziya. (Luk 17:3, 4; 23:34) Ngele otwa longo nuudhiginini tu holele Jesus momikalo ndhino, Jehova ota ka kala nokuyambeka egongalo lyetu li kale li na ombili nolya hangana.

TALA OKAVIDIO KALA OMUKRISTE E NA OMAUKWATYA OMAWANAWA! E TO YAMUKULA OMAPULO TAGA LANDULA:

• Miki petameko okwa li u uvitile ngiini egongalo lyawo?

• Oshike sha li sha ningitha omaiyuvo ge ga lunduluke?

• Oshiholelwa shaJesus osha kwathele ngiini Miki a lundulule etaloko lye?

• Omayeletumbulo 19:11 otage tu kwathele ngiini tu tale ko Aakriste ooyakwetu momukalo omwaanawa?