Omolwashike tu na okukala hatu endathana naamboka ye hole Jehova? Oshoka aantu mboka hatu endathana nayo ohaya vulu oku tu nwetha mo nawa nenge nayi. (Omayel 13:20) Pashiholelwa, omukwaniilwa Joas “okwa longo shoka sho opalela Omuwa” molwaashoka okwa li ha kala nomuyambi Jehoiada. (2Ondjal 24:2) Konima sho Jehoiada a si, Joas okwa thigi po Jehova omwolweendathano ewinayi. — 2Ondjal 24:17-19.

Methelemumvo lyotango E.N., omuyapostoli Paulus okwa li a yelekanitha egongalo lyopaKriste ‘negumbo enene,’ niilyo yegongalo okwe yi yelekanitha ‘niiyaha nomatiti’ nenge niilongitho yomegumbo. Otatu vulu “okulongithwa miilonga yi na esimano,” ngele ohatu yanda okweendathana nomuntu kehe kutya nduno ogwaandjetu nenge gwomegongalo ngoka ha ningi iinima tayi yemateke Jehova. (2Tim 2:20, 21) Onkee ano, natu tsikile okupanga uukuume naamboka ye hole Jehova nohaye tu ladhipike tu mu longele.

TALA OKAVIDIO ILONGA OKUHENUKA EENDATHANO EWINAYI, E TO YAMUKULA OMAPULO TAGA LANDULA:

• Omomikalo dhimwe dhini tashi vulika tu endathane naantu kaaye na omikalo?

• Moshinyandwa shika, oshike sha kwathele Aakriste yatatu ye ethe po eendathano ewinayi?

• Omakotampango gOmbiimbeli geni tage ku kwathele wu hogolole ookuume pandunge?