OMOLWASHIKE SHA SIMANA?: Jehova oye ha kokitha oombuto dhoshili momitima dhaamboka “ya halelela oku ka mona omwenyo gwaaluhe.” (NW) (Iil 13:48; 1Kor 3:7) Ohatu longo pamwe naye mokugandja eitulomo kwaamboka taya taamba oshili ndjoka tayi ilongo. (1Kor 9:26) Aakonakonimbiimbeli oya pumbwa okutseya kutya oye na okuninginithwa, opo ya ka hupithwe. (1Pet 3:21) Natu ya kwathele ya ninge aalongwa moku ya longa ya ninge omalunduluko monkalamwenyo. Ohatu ya kwathele wo ya kale haya uvitha, haya longo yalwe noyi iyapulile Jehova. — Mat 28:19, 20.

NKENE TU NA OKU SHI NINGA:

• Dhimbulukitha aakonakonimbiimbeli kutya elalakano lyekonakonombiimbeli oku ya kwathela ‘ya tseye’ Jehova nokukala haya longo ehalo lye. — Joh 17:3

• Ya kwathela ya hume komeho, opo ya vule okusinda omashongo, ngaashi eihumbato ewinayi nookuume aawinayi

• Ya ladhipika noku ya tsa omukumo manga inaaya ninginithwa nokonima sho ye shi ninga. — Iil 14:22

TALA OKAVIDIO JEHOVA OTE KE KU KWATHELA, E TO YAMUKULA OMAPULO NGAKA:

• Oshike tashi vulu okuningitha gumwe a kale a tila okwiiyapulila Jehova noku ninginithwe?

• Ongiini aakuluntugongalo taya vulu okukwathela aakonakonimbiimbeli ya hume komeho?

• MuJesaja 41:10 otatu ilongo mo shike kombinga yaJehova?

• Omaukwatya geni tage ke tu kwathela tu longele Jehova momukalo ngoka a hokwa, nonando inatu gwanenena?