Paulus naSilas oya li ya tanga Kalunga moku mu imbila omahambelelondjimbo sho ya li mondholongo. (Iil 16:25) Osha yela kutya okwiimba okwa li kwe ya koleke, opo ya vule okwiidhidhimika. Omaimbilo ohage tu gumu ngiini kunena? Omaimbilo gUukwaniilwa nosho wo galwe otaga vulu oku tu ladhipika noku tu kwathela tu kale aadhiginini nuuna tu li muudhigu. Oohapu dhomaimbilo ngoka ohadhi tanga wo Jehova. (Eps 28:7) Ohatu ladhipikwa tu ilonge momutse omaimbilo gontumba. Owa kambadhala oku shi ninga? Otatu vulu oku gi idheula nokwiilonga oohapu dhago pElongelokalunga lyUukwanegumbo.

TALA OKAVIDIO AANONA OHAYA TANGA JEHOVA MOKWIIMBA, E TO YAMUKULA OMAPULO NGAKA:

• Okwiimba omaimbilo gUukwaniilwa otaku vulu oku tu etela uuwanawa washike?

• Oshikondo shuuvidio niikwamawi ohashi ilongekidhile ngiini okukwata omaimbilo?

• Ongiini aanona nosho wo yaandjawo hayi iyenditha po pomaimbilo ngoka taga ka kwatwa mostudio?

• Omaimbilo gUukwaniilwa geni wu hole noonkondo, nomolwashike?