Poompito dhimwe mondjokonona, mboka ye na oonkondopangelo oya li ya kwathele oshigwana shaJehova. (Esra 6:1-12; Est 8:10-13) Nokuli nopethimbo lyetu otwa mona nkene “evi,” ano aantu noompangu ndhoka dhi na ondjele, lya nina po omahepeko ngoka ga fa “omeya,” ga kungwa “koshikoko,” ano kuSatana omuhindadhi. (Eh 12:16) Jehova, ‘Kalunga ngoka ha hupitha,’ omathimbo gamwe ohi inyengitha aapangeli yopantu ya mangulule oshigwana she. — Eps 68:20; Omayel 21:1.

Ongiini nduno ngele owu li mondholongo omolweitaalo lyoye? Ino kala wa limbililwa, Jehova oku ku wete. (Gen 39:21-23; Eps 105:17-20) Kala wu shi shi kutya Jehova ote ke ku yambeka omolweitaalo lyoye, nuudhiginini woye ohawu tsu aamwatate omukumo muuyuni awuhe. — Fil 1:12-14; Eh 2:10.

TALA OKAVIDIO AAMWATATE MOKOREA YA MANGULULWA MO MONDHOLONGO, E TO YAMUKULA OMAPULO NGAKA:

• Omolwashike aamwatate omayovi ya li ya tulwa mondholongo moSouth Korea omimvo dha ka pita?

• Omatokolo geni gopampangu ga ningitha aamwatate yamwe ya mangululwe?

• Ongiini tatu vulu okukwathela aamwatate muuyuni awuhe mboka ye li moondholongo omolweitaalo lyawo?

• Ongiini tatu vulu okulongitha emanguluko ndyoka tu na ngashingeyi?

• Olye lelalela he tu kwathele tu sindane moompangu?