ONKALAMWENYO YOPAKRISTE
Kwathela aamwoye ya kale ye na eitaalo lya kola mOmushiti
Eshito otali holola esimano lyaKalunga. (Eps 19:1-4; 139:14) Uuyuni waSatana otawu humitha komeho omalongo ngoka itaaga simanekitha Kalunga kombinga yankene omwenyo gwe ya po. (Rom 1:18-25) Oshike wu na okuninga, opo wu kwathele aamwoye kaaya nwethwe mo komalongo ngoka? Ya kwathela manga aashona, opo ya kale ye na eitaalo kutya Jehova oko e li nosho wo kutya oku na ko nasha nayo. (2Kor 10:4, 5; Ef 6:16) Kambadhala okutseya shoka taya dhiladhila kombinga yaashoka haya longwa kosikola. Oto vulu wo okulongitha iilongitho yopaMbiimbeli mbyoka wu na, wu adhe omitima dhawo. — Omayel 20:5; Jak 1:19.
TALA OKAVIDIO SHOKA OOMAKULA HAYA TI KOMBINGA YOKWIITAALA MUKALUNGA, E TO YAMUKULA OMAPULO TAGA LANDULA:
Aantu oyendji oyi itaala iifundja yini kombinga yaKalunga?
Ohamu longwa shike kosikola?
Oshike she ku tompa kutya Jehova oko e li?
Ongiini to vulu okukwathela omuntu i itaale kutya Kalunga oye a shita iinima ayihe?
