OMALIKO OKUZA MOOHAPU DHAKALUNGA | JESAJA 58–62
‘Uvitha pombanda omumvo gwesilohenda lyOmuwa’
“Omumvo gwesilohenda lyOmuwa” kagu shi omumvo gwolela
61:1, 2, OB-1954
-
Omumvo ngoka ogwo ethimbo ndyoka Jehova ta ka pa aaifupipiki ompito ya taambe ko etumwalaka lyemangululo
-
Methelemumvo lyotango, omumvo gwesilohenda lyaKalunga ogwa tamekele sho Jesus a tameke niilonga yokuuvitha mo 29 E.N., nogwa hulu ‘mesiku lyondjahi’ yaJehova, sho Jerusalem sha hanagulwa po mo 70 E.N.
-
Pethimbo lyetu, omumvo gwesilohenda lyaKalunga ogwa tameke sho Jesus a ningi Omukwaniilwa megulu mo 1914 notagu ka hula pethimbo lyuudhigu uunene
Jehova ota longitha ‘omiti ndhoka tadhi longo uuyuuki’ a yambeke aapiya ye
61:3, 4
-
Oshitya shOshihebeli shoka sha tolokwa “omiti” movelise ndjika, otashi ulike komiti ominene ndhoka dha kola
-
Omiti ndhoka omileeleka muuyuni, ohadhi kala olundji momakuti, nomuti kehe ohagu ambidhidhidha omikwawo
-
Omidhi dhadho ominene otadhi vulu okwiidhingila kumwe, shoka hashi koleke omiti, opo kaadhi hanagulwe po kiikungulu yombepo
-
Omiti ndhoka omile ohadhi gandja omuzile ngoka hagu gamene omiti ndhoka omishona nomafo ngoka haga gu ko, ohaga ningi uuhoho wevi
Iilyo ayihe yegongalo lyopaKriste ohayi mono uuwanawa mewiliko nomegameno ndyoka hali zi ‘komiti ndhoka tadhi longo uuyuuki,’ ndhoka tadhi thaneke aagwayekwa
