ONKALAMWENYO YOPAKRISTE
Okuhwepopaleka uunkulungu wetu muukalele — Okulongitha omapulo taga gumu omutima
OMOLWASHIKE SHA SIMANA?: Ngele “omadhiladhilo momwenyo gwomuntu ogo omeya omaleeleka,” nena omapulo oga fa eyemele lyoku ga teka mo. (Omayel 20:5) Omapulo ohage tu kwathele tu inyengithe aapulakeni ya kuthe ombinga moonkundathana. Omayamukulo gomapulo ga dhiladhilwa nawa olundji ohaga gandja uuyelele wu na oshilonga. Jesus okwa li a Okulongitha omapulo taga gumu omutima. Ongiini tatu vulu oku mu holela?
NKENE TATU VULU OKU SHI NINGA:
-
Pula omuntu a popye etaloko lye. Jesus okwa li a longitha omapulo ogendji, opo a mone shoka aalongwa ye taya dhiladhila. (Mat 16:13-16; be-KY ep. 238, okat. 3-5) Omapulo geni to vulu okupula wu ningithe omuntu a popye etaloko lye?
-
Pula omapulo taga thikitha omuntu pehulithodhiladhilo lyomondjila. Opo Jesus a pukulule Petrus, okwa li a pula Petrus omapulo ngoka ge mu kwathele a thike pehulithodhiladhilo lyomondjila. (Mat 17:24-26) Omapulo geni to vulu okupula omuntu a thike pehulithodhiladhilo lyomondjila?
-
Pandula omupulakeni. Sho omunongompango gumwe a “yamukula nawa,” Jesus okwe mu pandula. (Mark 12:34) Omomukalo guni to vulu okupandula gumwe ngele a yamukula epulo ndyoka we mu pula?
TALA OSHITOPOLWA SHOTANGO SHOKAVIDIO LONGA IILONGA MBYOKA YA LONGELWE KUJESUS — LONGA AANTU, E TO YAMUKULA OMAPULO NGAKA:
-
Omolwashike omukalo nguka gwokulonga aantu kaagu li nawa, nonando uuyelele mboka wa gandjwa owu li mondjila?
-
Omolwashike kaatu na owala okuyelitha shoka tatu kundathana?
TALA OSHITOPOLWA OSHITIYALI SHOKAVIDIO, E TO YAMUKULA OMAPULO NGAKA:
-
Omumwatate okwa longitha ngiini omapulo ngoka taga gumu omutima?
-
Omikalo dhilwe dhini dhokulonga dha longithwa komumwatate tatu vulu okuholela?