ONKALAMWENYO YOPAKRISTE
Kala wa tegelelela nondjuulukwe onene noneidhidhimiko
Owa kala wa tegelela Uukwaniilwa waKalunga wu ye uule wethimbo li thike peni? Owa kala ngaa to idhidhimike, nonando owu li moonkalo oondhigu? (Rom 8:25) Aakriste yamwe oye tondike, otaya hepekwa, oye li moondholongo nenge taya tilithwa neso. Yalwe otayi idhidhimikile omashongo ngaashi uuvu woshinamenena nenge uukokele.
Oshike tashi tu kwathele tu kale twa tegelela Uukwaniilwa nondjuulukwe onene, nonando otwa taalela omaudhigu? Otu na okukoleka eitaalo lyetu mokulesha Ombiimbeli esiku kehe nokutedhatedha kuyo. Otu na okukaleka momadhiladhilo etegameno lyetu. (2Kor 4:16-18; Heb 12:2) Natu galikane kuJehova e tatu mu indile e tu pe oonkondo dhombepo ye ondjapuki. (Luk 11:10, 13; Heb 5:7) Tate gwetu omunahole ota vulu oku tu kwathela tu ‘idhidhimikile ashihe’ nenyanyu. — Kol 1:11.
TALA OKAVIDIO NATU “MATUKENI NEIDHIDHIMIKO” — NATU KALENI NEINEKELO KUTYA OTATU KA MONA ONDJAMBI, E TO YAMUKULA OMAPULO NGAKA:
-
Iinima yini hayi vulu oku tu adha ‘ombaadhilila’ (NW)? (Omuuv 9:11)
-
Egalikano ohali tu kwathele ngiini uuna tu li moonkalo oondhigu?
-
Ngele itatu vulu we okulonga oshindji miilonga yaJehova ngaashi nale, omolwashike twa pumbwa okugandja eitulomo kwaashoka tatu vulu natango okuninga?
-
Kala wa tala kondjambi
Oshike tashi ku kwathele wu kale neinekelo kutya oto ka mona ondjambi?
