Ngele owu li omuuvithi inaa ninginithwa nenge omukonakonimbiimbeli, mbela owu na ngaa elalakano lyokuninginithwa? Omolwashike wu na okukala wa hala okuninginithwa? Eiyapulo neninginitho ohali ku ningitha wu kale wu na ekwatathano lyi ikalekelwa naJehova. (Eps 91:1) Otayi vulu wo oku tu hupithitha. (1Pet 3:21) Oshike wu na okuninga, opo wu thike poonkatu ndhoka?

Kala wa tompwa paumwene kutya ndjika oyo oshili. Ngele owu na omapulo, ninga omapekapeko wu mone omayakulo. (Rom 12:2) Tala kutya omalunduluko geni wa pumbwa okuninga, e to ga ningi opo wu nyanyudhe Jehova. (Omayel 27:11; Ef 4:23, 24) Kala aluhe ho galikana kuye e ku kwathele. Kala wu na uushili kutya Jehova ote ku pe oonkondo note ku ambidhidha nombepo ye ondjapuki yi na oonkondo. (1Pet 5:10, 11) Oonkambadhala ndhono to ningi odhi na ondjambi. Okulongela Jehova okwo dhingi! — Eps 16:11.

TALA OKAVIDIO ETOKOLO LYOKUNINGINITHWA, E TO YAMUKULA OMAPULO NGAKA:

• Yamwe oya li ye na okusinda omashongo geni, opo ya ninginithwe?

• Ongiini to vulu okukokeka eitaalo ndyoka wa pumbwa okukala wu na, opo wi iyapulile Jehova?

• Oshike shi inyengitha yamwe ya katuke oonkatu ndhoka dha pumbiwa, opo ya ninginithwe?

• Jehova oha yambeke ngiini mboka haya hogolola ye mu longele?

• Eiyapulo neninginitho otayi ti shike?