Omolwashike wu na okwiilongekidha? Onkalo yopaunamiti yopaulumompumbwe nosho wo okuya koshipangelo, ohayi vulu okuholoka ombadhilila. Onkee ilongekidha manga kuyele, opo uuna we ki iyadha wa pumbwa ekwatho lyopaunamiti, oto ka pewa ndyoka lya dhenga mbanda. Ngele owa ningi ngawo, oto ka ulika kutya owa simaneka omwenyo nompango yaJehova yi na ko nasha nombinzi. — Iil 15:28, 29.

Oshike wu na okuninga, opo wu ilongekidhe?

• Galikana nokuudhitha nuukeka okakalata hoka ke na sha nokwaatulwa ombinzi (DPA). a Aauvithi mboka ya ninginithwa otaya vulu oku ka pewa komuyakuli gwiileshomwa nosho wo okakalata kaanona hoka haka ithanwa Identity Card (ic)

• Ngele owu na etegelelo, pula aakuluntugongalo ye ku pe ombapila ndjoka yi na uuyelele kombinga yaakulukadhi mboka ye li momategelelo, ano Information for Expectant Mothers (S-401). Ombapila ndjika otayi ke ku kwathela wu ninge omatokolo ge li mondjila kombinga yiinima yopaunamiti, mbyoka tashi vulika yi holoke po pethimbo wu li metegelelo nolyokupulumutha

• Ngele owa pumbwa epango lyontumba, ndyoka tashi vulika lya kwatela mo elongitho lyombinzi nenge wa kwatelwa moombete, tseyithila aakuluntugongalo komeho yethimbo nosho wo oshipangelo kutya oto ya wu talelwe po kOnzapo yaJehova

Aakuluntugongalo otaya vulu okukwathela ngiini? Otaya vulu oku ku kwathela wu udhithe okakalata koye kombinzi. Nonando ongawo, aakuluntugongalo itaye ke ku ningila ko omatokolo kombinga yepango lyopaunamiti nenge ye ku lombwele omataloko gawo gopaumwene miinima mbyoka omuntu oye mwene e na okuninga etokolo. (Rom 14:12; Gal 6:5) Uuna wa tseyithile aakuluntugongalo yomegongalo lyeni kutya owa taalela onkalo yopaunamiti, ndjoka tashi vulika yi kwatele mo ombinzi, otaya ka kwatathana nziya nOkomitiye yOkukwatathana nIipangelo, pehala lyoye.

Okomitiye yOkukwatathana nIipangelo otayi vulu ngiini okukwathela? Aamwatate mboka ye li mokomitiye ndjika, oya dheulwa ya kwathele mboka ye li muunamiti nomuutseyiveta miitopolwa yi ili noyi ili, ya uve ko etaloko lyetu kombinga yombinzi. Otaya vulu okukundathana omikalo dhepango ndhoka inaadhi kwatela mo okutulwa ombinzi nandohotola gwoye. Ngele otashi wapa, otaya vulu oku ku kwathela, moku ku monena ndohotola ngoka a taamba ko etaloko lyetu kombinga yombinzi.

TALA OKAVIDIO NKENE TO VULU OKUNINGA OMATOKOLO GOPAUNAMITI GE NA KO NASHA NOMBINZI, E TO YAMUKULA EPULO NDIKA:

• Oshike wi ilonga mokavidio haka, shoka tashi vulu oku ku kwathela wu ilongekidhile onkalo yopaunamiti yopaulumompumbwe, ndjoka ya kwatela mo ombinzi?

  textarea-1