Otwa hala okunyanyudha Jehova mukehe shoka tatu ningi. (Omayel 27:11) Opo tu shi ninge, otwa pumbwa okuninga omatokolo ngoka taga ulike kutya otu na etaloko lye, nokuli nuuna kaapu na ompango yokondandalunde tayi tu wilike. Oshike tashi vulu oku tu kwathela tu ninge ngawo?

Kala ho konakona Ombiimbeli pandjigilile. Ethimbo kehe tatu lesha Ombiimbeli, ohatu kala twa fa twa li naJehova. Otatu vulu okwiilonga kombinga yomukalo moka Jehova ha dhiladhila, mokutala nkene a li a ungaunga noshigwana she nomokukonakona iiholelwa yaamboka ya li ya longo shoka shu uka noyaamboka kaaya li ye shi ningi. Uuna twa pumbwa okuninga etokolo, ombepo ondjapuki ohayi tu dhimbulukitha iiyilongomwa ya simana nosho wo omakotampango ngoka twa ilonga mOohapu dhaKalunga. — Joh 14:26.

Ninga omapekapeko. Uuna wa hala okuninga etokolo lyontumba, ipula to ti: ‘Oovelise dhini nenge omahokololo geni mOmbiimbeli, taga vulu okukwathela ndje ndi uve ko nkene Jehova e uvitile oshinima shika?’ Galikana Jehova e ku kwathele nokulongitha iikwathitho yokukonga uuyelele, mbyoka twa pewa kehangano yi li melaka lyoye, opo yi ku kwathele. Tula wo omakotampango gOmbiimbeli miilonga ngoka taga opalele onkalo yoye. — Eps 25:4.

TALA OKAVIDIO “NATU MATUKENI TWA MANA MO” — LYA IIKULYA MBYOKA TAYI TUNGU, E TO YAMUKULA OMAPULO NGAKA:

• Omumwameme omugundjuka okwa li i iyadha momathiminiko geni?

  textarea-1

• Ongiini to vulu okulongitha iikwathitho yokukonga uuyelele yi ku kwathele, uuna to ungaunga nomathiminiko goludhi ndoka?

  textarea-2

• Ohatu mono mo ngiini uuwanawa, uuna tatu kutha ethimbo tu ninge omapekapeko nosho wo ekonakonombiimbeli lyopaumwene, nelalakano lyoku tu kwathela tu ninge omatokolo gopandunge? — Heb 5:13, 14

  textarea-3