Uukokolindjila ohawu pula elandulathano ewanawa. Ngele oho longo muukalele oowili 18 moshiwike, oto vulu okukokola ondjila nokukala wu na omasiku gefudho. Elandulathano lya tya ngawo ohali pe nokuli omuntu ompito, uuna pwa holoka oonkalo dhontumba ombadhilila, tashi vulika omolwuuwehame nenge onkalo yombepo. Ohali pe wo aauvithi uuyelele, mboka haya longo omalupita, ethimbo lyu udha, mboka ye na uukolele tawu nyangwanyangwa nenge kaaye na we oonkondo. Otamu vulu okuninga omalunduluko gontumba, tashi vulika gumwe gwaandjeni a tameke okukokola ondjila muSeptemba. Ongiini ngele omwe shi kundathana pelongelokalunga lyeni lyuukwanegumbo oshikando tashi landula?