UVITHA NUULAADHI MUUKALELE | GWEDHA KO KENYANYU LYOYE MUUKALELE
Ulika olukeno
Olukeno olwo okuuva ko omadhiladhilo, omaiyuvo, iikala noompumbwe dhayalwe. Aantu ohaya vulu okumona nuupu ngele otu yu uvitile olukeno notwa hala shili oku ya kwathela tashi zi komutima. Uuna tatu ulike olukeno miilonga yokuuvitha, otatu holele ohole yaJehova noku na ko nasha kwe, naashoka ohashi nanene aantu kuye. — Fil 2:4.
Olukeno kalu shi owala omukalo ngoka hatu longitha uuna tatu longo aantu, ihe ohatu lu ulike momukalo moka tatu pulakene notatu popi nosho wo meihumbato lyetu, momaudhi nomomainyengo gokoshipala. Ohatu ulike olukeno mokuulika kutya otu na ko lela nasha nomuntu. Ohatu tala kiinima mbyono e hole, kwaashoka i itaala nokoonkalo dhe. Ohatu mu pe uuyelele mbono tawu mu kwathele nohatu mu ambidhidha, ihe ihatu mu kondjitha a ninge omalunduluko. Uuna aantu mbono tatu uvithile ya taamba ko ekwatho lyetu, ohashi tu nyanyudha noonkondo.
TALA OKAVIDIO KOSHINYANDWA MONA ENYANYU NDYOKA HALI ZI MOKUNINGA AANTU AALONGWA — HWEPOPALEKA UUNKULUNGU WOYE — ULIKA OLUKENO, E TO YAMUKULA OMAPULO NGAKA:
-
Niita oku ulike ngiini olukeno sho Jade inaa thika pethimbo?
-
Niita oku ulike ngiini olukeno sho Jade a ti kutya ita vulu okukonakona Ombiimbeli oshoka okwa gwililwa po?
-
Aantu ohaya nanenwa kuJehova uuna hatu ya ulukile olukeno
Niita oku ulike ngiini olukeno sho Jade a ti kutya iha tula lela iinima ye melandulathano?
