Omanyolo otage tu lombwele tu ungaunge nAakriste aakokele onga oomeme nootate, naagundjuka onga aamwayina yetu. (Lesha 1 Timoteus 5:1, 2 yelekanitha OB-1954.) Aamwatate oyo unene ya pumbwa okuungaunga naamwameme nesimaneko.

Omumwatate ke na nando okuninga sha shoka tashi vulu okuningitha omumwameme kaa kale e mu mangulukila. (Job 31:1) Omumwatate ngoka inaa hokana ke na nando okudhana nomaiyuvo gomumwameme ngoka inaa hokanwa, moku mu ningitha a kale u uvite kutya okwe mu hala, ihe nani hasho.

Aakuluntugongalo oye na okukala haya pulakene kaamwameme mboka haya pula omapulo nesimaneko nenge nokuli haye ya lombwele sha shoka ya pumbwa okugandja eitulomo kusho. Aakuluntugongalo oyo unene haya kenukile aakiintu mboka kaaye na aasamane ye ya gamene. — Rut 2:8, 9.

TALA OKAVIDIO ULIKA OHOLE IHAAYI HULU PO MEGONGALO — KAASELEKADHI NOOTHIGWA, E TO YAMUKULA OMAPULO NGAKA:

• Egongalo olyu ulukile ngiini omumwameme Myint ohole?

• Ohole ndjoka egongalo lyu ulike oya gandja ngiini uunzapo momukunda gwawo?

• Ohole ndjoka egongalo lyu ulukile omumwameme Myint oya gumu ngiini oyanakadhona?

Omomikalo dhimwe dhini to vulu okuulukila aamwameme ohole megongalo lyeni?