Okukwathela mokutunga omatungo gehangano, oku li omukalo gwokulongela Jehova. (Eks 36:1) Mbela ito vulu okuudhitha ofooloma Local Design/Construction Volunteer Application (DC-50), opo wu kale ho kwathele omalupita mokutunga omatungo gehangano, ngoka taga tungwa moshitopolwa sheni? Nenge mbela ito vulu okuudhitha ofooloma Application for Volunteer Program (A-19), opo wu kale ho ka kwathela miilonga yokutunga yokiitopolwa yokokule, uule wiiwike nenge woomwedhi dhontumba? Ino pumbwa okukala wu na owino yokutunga, opo ando wu iyambe miilonga yokutunga. — Neh 2:1, 4, 5.

TALA OKAVIDIO LONGITHA OOMPITO NDHOKA DHE KU EGULUKILA WU ULIKE KUTYA OWU NA EITAALO — KWATHELA MIILONGA YOKUTUNGA, E TO YAMUKULA EPULO NDIKA:

• Sara okwa li ti ipula unene nashike, noshike she mu kwathele?