Ohashi pula oonkambadhala odhindji, opo ku longekidhwe iiholelwa yoonkundathana, naauvithi oyendji ohaye yi mono yi li ekwatho enene muukalele nohayi pondola. Ihe molwaashono oonkalo odha yoolokathana, aauvithi oya manguluka okulongitha omafalomo gi ili nogi ili muukalele nenge oshikundathanwa shi ili, shoka tashi nana aantu moshitopolwa. Kombinga yoshikonga shokuuvitha shi ikalekelwa, aauvithi ayehe oya tegelelika ya landule omalombwelo gasho. Elalakano lyetu okugwanitha po oshilonga shokuuvitha onkundana ombwanawa yUukwaniilwa. — Mat 24:14.

Uuna tashi ya piipopiwa yaanasikola, aauvithi oye na okukundathana epulo ndyoka li li moshiholelwa shoonkundathana mokafo Onkalamwenyo yopaKriste niilonga yetu yokuuvitha. Nonando ongawo, oya manguluka okuhogolola omukalo, epulo lilwe, enyolo nosho wo ndyoka taye ya ya yamukule oshikando tashi ya, ndyoka tali opalele moshitopolwa shawo, ongele shila pu na omalombwelo gokondandalunde ngoka taga ti inaye shi ninga. Shika osha lundulula uuyelele mboka wu li pepandja 8, mokafo kokulongithwa pokugongala, kaJuni 2020.