Omuntu okwa pumbwa eitaalo, opo a tembuke mo moshitopolwa shoka e shi nawa, nelalakano lyokutamununa mo uukalele we. (Heb 11:8-10) Ngele oto dhiladhila okutembukila hoka ku na ompumbwe onene, popya naakuluntugongalo yomegongalo lyeni. Oonkatu dhini to vulu okukatuka, opo wu mone ngele oto vulu okwaadha elalakano ndyoka nonokutya openi to ka longela? Tala miileshomwa mbyoka tayi popi kombinga yoku ka longa hoka ku na ompumbwe onene. Popya naamboka ya pondola, sho ya tembuka ya ka kwathele komagongalo galwe. (Omayel 15:22) Galikana Jehova e ku wilike. (Jak 1:5) Tseya oshitopolwa hoka wa hala oku ka uvithila, nongele otashi wapa, inda wu ka talele po koshitopolwa shoka, omanga inoo ninga etokolo.

TALA OKAVIDIO LONGITHA OOMPITO NDHOKA DHE KU EGULUKILA WU ULIKE KUTYA OWU NA EITAALO — TEMBUKILA HOKA KU NA OMPUMBWE ONENE, E TO YAMUKULA EPULO NDIKA:

• Omalunduluko geni Gabriel a li e na okuninga, noshike she mu kwathele?