Jehova okwa hala omaukwanegumbo ga kale ga nyanyukwa. (Eps 127:3-5; Omuuv 9:9; 11:9) Nonando ongawo, otatu vulu okukanitha enyanyu lyetu, omolwomaupyakadhi gomuuyuni mbuka nosho wo omapuko ngoka haga ningwa kaantu yaandjetu. Oshilyo kehe megumbo otashi vulu okuninga shike, shi gwedhe ko kenyanyu?

Omusamane oku na okusimaneka omukulukadhi gwe. (1Pet 3:7) Oha kala ethimbo pamwe naye. Iha kala a tegelela omukulukadhi gwe a ninge shoka itaa vulu okuninga, nohe mu pandula, omolwaashihe shoka he mu ningile nosho wo aanegumbo. (Kol 3:15) Ohe mu ulukile wo ohole nohe mu tanga. — Omayel 31:28, 31.

Omukulukadhi oha kongo omikalo moka ta vulu okuyambidhidha omusamane gwe. (Omayel 31:12) Oha vulika kuye noha longele kumwe naye. (Kol 3:18) Oha popi nomusamane gwe nombili nohe mu popile muuwanawa. — Omayel 31:26.

Aavali ohaya kongo ethimbo ya kale pamwe noyana. (Deut 6:6, 7) Ohaya lombwele oyana kutya oye ya hole. (Mat 3:17) Uuna taye ya pukulula, kungawo ohaya ulike ohole nosho wo oondunge dhokuyoolola. — Ef 6:4.

Aanona ohaya vulika kaavali yawo noku ya simaneka. (Omayel 23:22) Ohaya lombwele aavali yawo shoka taya dhiladhila noye uvite. Aanona ohaya taamba ko epukululo lyawo nohaye shi ningi nesimaneko. — Omayel 19:20.

TALA OKAVIDIO HUMITHA KOMEHO ENYANYU MUUKWANEGUMBO WENI, E TO YAMUKULA EPULO NDIKA:

Oshike shoka kehe gumwe e na okuninga a humithe komeho enyanyu muukwanegumbo?