Omalalakano gopambepo oga kwatela mo kehe shoka hatu longo nuudhiginini tu shi adhe, opo tu vule okulongela Jehova shi vulithe nale notu mu nyanyudhe. Ohage tu kwathele tu ninge ehumokomeho moshili nohage tu pula tu yambe po ethimbo noonkondo dhetu. (1Tim 4:15) Omolwashike tu na okutalulula omalalakano getu pandjigilile? Oshoka oonkalo ohadhi lunduluka. Elalakano ndyoka twa ninga monakuziwa otashi vulika tu kale inaatu li adha nenge twe li adha, notatu vulu okwiitulila po lilwe.

Ethimbo ewanawa okutalulula omalalakano getu, omanga omumvo gwiilonga inaagu tameka. Otamu vulu oku shi kundathana pelongelokalunga lyuukwanegumbo, e tamu itulile po omalalakano mu li aanegumbo nosho wo pauhandimwe.

Omalalakano geni gokondandalunde wi itulila po miinima tayi landula, noonkatu dhini wi ilongekidha okukatuka, opo wu ga adhe?