MuSeptemba, otatu ka ninga oshikonga shi ikalekelwa shokukwathela aantu ya mone kutya Uukwaniilwa waKalunga owo owala tawu ka kandula po omaupyakadhi gaantu. (Mat 24:14) Ongiini to vulu okukutha ombinga musho? Lesha enyolo kombinga yUukwaniilwa waKalunga naantu oyendji ngaashi tashi vulika, momwedhi ngoka. Ngele owa mono omuntu ta ulike ohokwe, mu pa Oshungolangelo No. 2 2020 yomuukalele. Kambadhala okushuna ko kuye nziya ngaashi tashi vulika, e to tameke ekonakonombiimbeli mokambo Kala nonkalamwenyo ombwanawa sigo aluhe. Ayehe mboka taya ka kutha uukwathelikokolindjila momwedhi ngoka, otaya ka hogolola ya longe oowili 15 nenge 30.

Masiku Uukwaniilwa waKalunga otawu ka hanagula po omapangelo agehe, ngoka ge li ompinge nawo. (Dan 2:44; 1Kor 15:24, 25) Onkee ano, natu ka kutheni ombinga moshikonga shika shi ikalekelwa, tu ulike kutya otu li aadhiginini kuJehova nokUukwaniilwa we!