• Eps 69:30, 31 — Oovelise ndhika otadhi tu kwathele ngiini tu hwepopaleke omagalikano getu? (w99 2/1 ep. 16, okat. 11)

  Eyamukulo lyoye

• Omaliko geni wa mona melesho lyOmbiimbeli lyoshiwike shika?

  Eyamukulo lyoye

MuJanuali 2009, Ekonakono lyEmbo lyomEgongalo, Osikola yOkudheula Aauvithi nOkugongala kwoPailonga, oya li ya tameke okuningwa pokugongala kumwe kwomokati koshiwike. Shika osha li sha pe omaukwanegumbo ompito yokuninga elongelokalunga lyuukwanegumbo ongulohi yontumba moshiwike. Oyendji oya ulike olupandu lwawo lwelongekidho ndika, oshoka olye ya kwathele ya koleke ekwatathano lyawo nosho wo lyawo naJehova. — Deut 6:6, 7.

Omakotampango gamwe geni taga vulu okwathela omitse dhomagumbo, dhi ninge Elongelokalunga lyUukwanegumbo tali pondola?

• Kaleni hamu li ningi pandjigilile. Ngele otashi wapa, itulilii po ethimbo lyoku li ninga oshiwike kehe. Kaleni wo mwa tula po esiku etiyali moka tamu vulu oku li ninga, uuna elandulathano lyeni lya yiwa moshipala

• Ilongekidheni. Kundathana nomukulukadhi gwoye, nomathimbo gamwe pula aanona omaetopo gawo. Omailongekidho kage na okukala ga kwata miiti, unene tuu ngele aanegumbo ayehe ohaya nyanyukilwa okuninga iinima yoludhi lumwe oshiwike kehe

• Iikundathanwa nayi kale ya opalela aanegumbo. Sho aanona taya ende taya koko, oompumbwe dhawo nokuvulwa kwawo ohaku lunduluka. Shoka shi li melandulathano lyeni nashi kwathele kehe gumwe megumbo a koke pambepo

• Kaleni hamu Ii ningi momukalo gwopahole. Omathimbo gamwe, otamu vulu okukala hamu li ningile pondje, ngele onkalo otayi shi pitike. Uuna tamu li ningi, omwa manguluka okufudha po, ngele osha pumbiwa. Nonando osha pumbiwa wo mu kale hamu kundathana pelongelokalunga lyuukwanegumbo weni omashongo ngoka aanona ya taalela, ompito ndjoka hayo mu longitha mu ya nyenyetele nenge mu ya pe egeeloputudho

• Kaleni hamu ningi iinima ya yoolokathana. Pashiholelwa, elandulathano lyeni otali vulu okukwatela mo okwiilongekidha oshitopolwa shontumba shokugongala taku landula, okutala nokukundathana okavidio kokepandja lyetu, jw.org, nokwiilongekidha shoka tamu ka popya muukalele. Nonando oonkundathana dhElongelokalunga lyUukwanegumbo odho dhi na okudhana onkandangala pompito ndjino, otamu vulu wo okukwatela mo ethimbo lyokuninga ekonakono lyopaumwene

Kundathaneni epulo ndika:

• Owa kambadhala ngiini okutula miilonga omakotampango ngaka pelongelokalunga lyeni lyuukwanegumbo?

  Eyamukulo lyoye