Aavali aatilikalunga oya halelela okumona oyana taya longele Jehova nuudhiginini. Aavali otaya vulu okukwathela oyana ye shi ninge mokuthindila omalongo gOmbiimbeli momitima dhawo okuza kuunona wawo. (Deut 6:7; Omayel 22:6) Mbela shika otashi pula omaiyambo? Osho lela. Ihe omaiyambo ngoka otage ke eta omalaleko nuuyamba. — 3Joh 4.

Aavali otaya vulu okwiilonga oshindji koshiholelwa shaJosef naMaria. Oya li “haa yi omumvo kehe kuJerusalem koshituthi shOpaasa,” nokuli nonando shoka osha li tashi pula oonkambadhala odhindji noshimaliwa oshindji. (Luk 2:41) Osha yela kutya oya li ya pititha komeho iinima yopambepo maandjawo. Sha faathana, aavali otaya vulu okuwilika oyana ye ende mondjila yu uka mokulongitha ompito kehe ye ya longe okupitila moohapu nomoku ya tulila po oshiholelwa. — Eps 127:3-5.

TALA OKAVIDIO OYA LONGITHA OMPITO KEHE, E TO YAMUKULA OMAPULO NGAKA:

• Jon naSharon Schiller oya kala ngiini ya pititha komeho Uukwaniilwa sho taya putudha oyana?

• Omolwashike aavali ye na okulonga, okuwilika nokupukulula okanona kehe momukalo gwa yoolokathana?

• Aavali otaya vulu ngiini okukwathela oyana ya kondjithe iinima mbyoka tayi makele eitaalo lyawo?

• Iilongitho yini ya gandjwa kehangano lyaJehova wa longitha wu kwathele aamwoye ya ninge ookuume kaJehova?