Jesus okwa li u uvitha “elaka etoye lyOshilongo shaKalunga” nenge lyUukwaniilwa waKalunga. (Luk 4:43) Okwa li a longo wo aantu ya galikane wu ye. (Mat 6:9, 10) MuNovomba, otatu ka ninga oonkambadhala dha mana mo tu tseyithile yalwe Uukwaniilwa waKalunga. (Mat 24:14) Ilongekidha wu ka kuthe ombinga moshikonga shika. Ayehe mboka taya ka kutha uukwathelikokolindjila momwedhi ngoka, otaya ka hogolola ya longe oowili 30 nenge 50.

Lombwela oyendji ngaashi tashi vulika moshitopolwa sheni enyolo kombinga yUukwaniilwa waKalunga. Sho to hogolola enyolo, dhiladhila kutya aapulakeni yoye oyomelongelokalunga lini. Ngele gumwe oku ulike ohokwe petalelopo lyotango, mu pa oshifo shOshungolangelo No. 2 2020 yomomapya. Ninga eishunoko nziya, e to tameke ekonakonombiimbeli to longitha shimwe shomiileshomwa mbyoka hatu longitha muukalele. Oku na owala ethimbo efupi Uukwaniilwa waKalunga wu hanagule po omapangelo agehe ngoka ge li ompinge nawo. (Dan 2:44; 1Kor 15:24, 25) Onkee ano, natu ka kutheni ombinga moshikonga shika shi ikalekelwa tu ulike kutya otu li aadhiginini kuJehova nokUukwaniilwa we!