OMALIKO OKUZA MOOHAPU DHAKALUNGA | JOB 1-5
Job okwa li a kakatele uudhiginini we nonando okwa li ta makelwa
Job okwa li a kala moshilando Us pethimbo Aaisraeli ya li muupika muEgipiti. Nonando ka li Omuisraeli, Job okwa li omulongeli gwaJehova omudhiginini. Okwa li e na uukwanegumbo uunene, a yambapala, nokwa li a nwetha mo aantu yomomudhigoloko gwe. Okwa li a ta li ka ko lela e li omugandjimayele nomupanguli omuuyuki. Okwa li ha gandja koohepele nokwaamboka ye na ompumbwe. Job okwa li omulumentu omudhiginini.
Job okwa li u ulike sha yela kutya Jehova oye owala a li Omuntu a simanenena monkalamwenyo ye
1:8-11, 22; 2:2-5
-
Satana okwa li a mono kutya Job omudhiginini. Ina tya kutya Job ke shi omudhiginini kuJehova; pehala lyaashono, okwa tula momalimbililo omainyengotompelo gaJob
-
Satana okwa popi kutya Job ota longele Jehova omolwokwiihola mwene
-
Opo Jehova u ulike kutya Satana ota popi iifundja, Jehova okwa li e etha Satana a makele omulumentu ngoka omudhiginini. Satana okwa li e etele Job uupyakadhi monkalamwenyo ye
-
Sho Job a kakatele uudhiginini we, Satana okwa tula momalimbililo uudhiginini waantu ayehe
-
Job ina yona kuKalunga nenge e mu lundile kutya okwa ninga sha sha puka
