OMALIKO OKUZA MOOHAPU DHAKALUNGA | JOB 6-10
Job ngoka a li omudhiginini okwa holola uuwehame we
Job okwa li a hepa, a nika oluhodhi nokwa li te ehama unene, ihe okwa li a kakatela uudhiginini we. Onkee Satana okwa li a kambadhala e mu teye omukumo, opo e mu ethithe po uudhiginini we. “Ookuume” ke yatatu oye ya kuye. Oshinima shotango ya li ya ningi, oya li yu ulike kutya oyu uvitile Job ohenda montaneho. Opo nduno oya li ya kalele Job omasiku agehe gatatu ya mwena thilu, noinaaye mu hekeleka nando. Shoka ya li ya popi iifundja.
Job okwa kala omudhiginini kuJehova nonando okwa li ta hepekwa noonkondo
6:3; 7:16; 9:20-22; 10:1, 12
-
Uuwehame uunene owa li wa ningitha Job a kale e na etaloko lya puka. Omolwokwaahe shi sha, okwa li a thiki pehulithodhiladhilo kutya Kalunga ka li e na naye ngele okwa kala omudhiginini
-
Molwashoka okwa li a teka omukumo, Job ka li a dhiladhila kiinima yilwe mbyoka tashi vulika oyo ya li ye mu etele okumona iihuna
-
Nonando okwa li a nika oluhodhi noonkondo, Job okwa li a lombwele aalundili ye kombinga yohole ye yokuhola Jehova
